Uładzimir Zialenski na fonie darožnaha znaka ŭ Aŭdziejeŭcy 29 śniežnia 2023 hoda. Fota: Ukrainian Presidential Press Office via AP
Prezident Rasii praz pasiarednikaŭ prapanoŭvaŭ ZŠA zamarozić bai va Ukrainie, ale pieramovy pravalilisia, paviedamiła ahienctva Reuters. Kreml nazvaŭ hetuju infarmacyju niapraŭdaj, piša Deutsche Welle.
U Kramli abvierhli paviedamleńni, što Rasija praz pasiarednikaŭ prapanoŭvała ZŠA zamarozić kanflikt va Ukrainie na hetym etapie.
«Nie, heta niapraŭda», — zajaviŭ u sieradu, 14 lutaha, pres-sakratar prezidenta RF Dźmitryj Piaskoŭ, adkazvajučy na pytańnie žurnalistaŭ, ci adpaviadaje rečaisnaści infarmacyja ahienctva Reuters, jaki śćviardžaje, što prezident RF prapanoŭvaŭ ZŠA zamarozić vajennyja dziejańni va Ukrainie, ale hetaja inicyjatyva była advierhnutaja Štatami.
Ahienctva Reuters 13 lutaha paviedamiła sa spasyłkaj na try rasijskija krynicy, što prezident Rasii Uładzimir Pucin pasyłaŭ ZŠA sihnały pra hatoŭnaść razhledzieć mahčymaść spynieńnia ahniu va Ukrainie, adnak jahonaja prapanova była adkinutaja Vašynhtonam paśla kantaktaŭ pamiž pasiarednikami z abodvuch bakoŭ.
Pa danych surazmoŭcaŭ ahienctva, Kreml prapanoŭvaŭ zamarozić vajennyja dziejańni na ciapierašnich linijach sudakranańnia, nie žadajučy sastupać ni adnu z terytoryj, nad jakimi RF atrymała kantrol. U 2023 hodzie Pucin ahučyŭ svaju pazicyju publična, a taksama pieradaŭ jaje ŭ pryvatnym paradku praz pasiarednikaŭ — u tym liku praz arabskich partnioraŭ Maskvy na Blizkim Uschodzie.
Vašynhton admoviŭsia abmiarkoŭvać spynieńnie ahniu biez udziełu Kijeva
«Kantakty z amierykancami ni da čaho nie pryviali», — raspaviała dniami Reuters na ŭmovach ananimnaści vysokapastaŭlenaja rasijskaja krynica, znajomaja z chodam abmierkavańniaŭ u kancy 2023 — pačatku 2024 hoda. Sa słoŭ jašče adnoj rasijskaj krynicy, amierykancy praz pasiarednikaŭ pieradali, što nie buduć abmiarkoŭvać mahčymaje spynieńnie ahniu biez udziełu Ukrainy, i tamu kantakty skončylisia niaŭdačaj. Treciaja krynica, znajomaja z chodam abmierkavańniaŭ, skazała, što z »amierykancami ŭsio razvaliłasia», tamu što ZŠA nie zachacieli cisnuć na Ukrainu.
Pry hetym krynica ahienctva ŭ ZŠA zajaviła ab adsutnaści jakich-niebudź aficyjnych kantaktaŭ pamiž Maskvoj i Vašynhtonam i padkreśliła, što Złučanyja Štaty nie buduć udzielničać u pieramovach z RF, jakija zakranajuć intaresy Ukrainy. Rasiejskija ŭłady hetuju infarmacyju nie kamientavali.
U kancy 2023 hoda hazieta The New York Times taksama pisała, što Uładzimir Pucin pa dypłamatyčnych kanałach vykazvaŭ hatoŭnaść da spynieńnia ahniu va Ukrainie i zamarozcy bajavych dziejańniaŭ na biahučych pazicyjach.
Čytajcie taksama:
Zachodnija palityki adreahavali na słovy Trampa pra admovu abaraniać ad Rasii
