Pra śmierć byłoha kiraŭnika Minskaha aŭtazavoda Alaksandra Baroŭskaha paviedamiła pres-słužba pradpryjemstva.
Baroŭski stajaŭ la rula MAZa ŭ 2009-12 hadach. Pry im byŭ stvorany chołdynh «BiełaŭtaMAZ», a AAT «MAZ» stała jaho kiroŭnaj kampanijaj.
«U hety čas na našym zavodzie pačaŭsia vypusk novaha siamiejstva kabin, źjavilisia vysokatechnałahičnyja navinki aŭtobusnaj, śpiecyjalnaj i pryčapnoj techniki, byŭ stvorany ekskluziŭny kapotnik MAZ-6440 RA», — piša pres-słužba.
U 2007 hodzie, kali Baroŭski byŭ kiraŭnikom Biełnaftachima, u dačynieńni da jaho była zaviedzienaja kryminalnaja sprava pa padazreńni ŭ złoŭžyvańni słužbovymi paŭnamoctvami.
Viasnoj 2008 hoda Baroŭski byŭ asudžany na 5 hadoŭ. Ale ŭ kancy śniežnia 2008 hoda jon byŭ pamiłavany Łukašenkam i ŭžo praz hod staŭ dyrektaram MAZa.
