Padčas zatrymańnia biełarusa. Skrynšot ź videa
«Fiederalnaj słužbaj biaśpieki Rasijskaj Fiederacyi ŭ Varoniežy zatrymany hramadzianin Respubliki Biełaruś, 1998 hoda naradžeńnia, jaki maje dačynieńnie da padpału 6 lutaha 2024 hoda ŭ Tule ciahavaj elektrapadstancyi AT «Tulskija haradskija elektrasietki» pa zadańni ŭkrainskich śpiecsłužbaŭ», — havorycca ŭ paviedamleńni FSB.
U dačynieńni da zatrymanaha śledčym adździełam UFSB Rasii Tulskaj vobłaści raspačataja kryminalnaja sprava pavodle č. 1 art 281 KK RF (dyviersija). Jamu pahražaje da 20 hadoŭ pazbaŭleńnia voli.
Paviedamlajecca, što zatrymany raniej byŭ sudzimy za chulihanstva z užyvańniem zbroi, vybuchovych albo haručych rečyvaŭ. Paśla adbyćcia pakarańnia ŭ studzieni 2024 hoda jon, pa viersii rasijskich śledčych, nibyta praź nieadnarazova sudzimaha za ździajśnieńnie kradziažoŭ u Maskvie žychara Charkava, hramadzianina Ukrainy Atary Dańko pa mianušcy Hryša Maskoŭski ŭstalavaŭ kantakt z supracoŭnikam ukrainskich śpiecsłužbaŭ pa imieni Juryj.
Jak paviedamlaje FSB, «Juryj» nibyta pastaviŭ biełarusu zadaču za hrašovuju ŭznaharodu ździejśnić dyviersii i terakty na abjektach hramadzianskaj infrastruktury RF.
«5 lutaha 2024 hoda pa zadańni Juryja fihurant prybyŭ u Tułu, dzie vyrabiŭ samarobnuju zapalnuju pryładu i ažyćciaviŭ padpał elektrapadstancyi», — zajavili ŭ FSB.
Čytajcie taksama:
Zatrymany za dyviersiju ŭ rasijskim tuneli biełarus — šmatdzietny baćka, jaki nie zmaŭčaŭ u 2020-m
