Lech Vałensa. Fota: golosameriki.com
Źviartajučysia da kiraŭnikoŭ krain — siabraŭ NATA, były polski prezident pryznaŭsia, što
«adčuvaje pačućcio viny» za toje, što kali zajmaŭ vyšejšuju dziaržaŭnuju pasadu ŭ svajoj krainie, «nie paśpieŭ za svaju kadencyju damahčysia pastanovy ab ustupleńni Biełarusi i Ukrainy ŭ NATA», zasiarodziŭšysia tolki na svajoj rodnaj Polščy.
«Rasija nasamreč nie lubiła Polšču navat bolš, čym Ukrainu. I ciapier «naša miesca» zaniała Ukraina. My pavinny zrabić usio mahčymaje, kab dapamahčy ŭkraincam. Heta vielmi śmiełyja ludzi. Jany zmahajucca za svaju i našu svabodu. Rasija była b radaja nanieści ŭdar pa Amierycy, ale ŭ niejkim sensie hetamu supraćstaić Ukraina. I my nie pavinny dazvolić sabie prajhrać hetu situacyju.
Vy pavinny praciahvać akazvać vajskovuju dapamohu, tamu što jany stralajuć adzin u adnaho. Adnak, jašče raz paŭtaru — vydzialajcie bolš resursaŭ na infarmacyjny supraciŭ», — padkreśliŭ pry hetym Lech Valensa.
Pry hetym jon pierakanany, što «dumka pra toje, što Rasija siońnia bieznadziejnaja — niapravilnaja». Na jahonuju dumku, «histaryčny vopyt pakazvaje, što adnosiny pamiž narodami mianiajucca».
«Pieršy dokaz — my (palaki) taksama vajavali z Ukrainaj. Stralali adzin u adnaho. Pahladzicie, nakolki my siabrujem z Ukrainaj siońnia. Heta moža adbycca i z Rasijaj, kali vy prysłuchajeciesia da majoj parady i prysłuchajciesia da dośviedu «Salidarnaści».
Druhi dokaz — vojny zaŭsiody byli i buduć. Dźvie suśvietnyja vajny pačalisia ŭ Jeŭropie. A kolki revalucyj? Adnak pahladzicie, my siońnia prybrali miežy ŭ Jeŭropie. Kožny žychar Jeŭropy moža pracavać u luboj inšaj jeŭrapiejskaj krainie. Naša pakaleńnie pačało hety vialiki marš u hetym kirunku. I Jeŭropa vyraŭniałasia», — vykazaŭ jon svajo mierkavańnie.
Pry hetym praŭda, budučy ŭpeŭnieny, što Ukraina hetym razam zmoža pieramahčy, Vałensa ŭsio ž ličyć, što «praz 20 hadoŭ Rasija znoŭ padymiecca i znoŭ napadzie».
Čytajcie taksama:
Lehiendarny Lech Vałensa śviatkuje siońnia 80-hodździe
«Vašy pakuty pryniasuć plon» — Lech Vałensa źviarnuŭsia da biełarusaŭ
Vałensa — biełarusam: Damahacca chleba treba praz baraćbu za svabodu, a nie naadvarot
