18-hadovaja biełaruska Rusłana Pančyšyna ŭdzielničaje ŭ 12 siezonie muzyčnaha realici-šou Operacion Triunfo, jaki źjaŭlajecca ispanskaj viersijaj papularnaj «Fabryki zorak», piša «Kamsamołka».
Pančyšyna rasła ŭ Biełarusi, adnak razam ź siamjoj daŭno pierajechała na Teneryfe ŭ Ispaniju. Ciapier biełaruska žyvie i vučycca ŭ Ispanii. Ź dziacinstva jana pačała śpiavać. Akramia taho, jana vystupaje ŭ hrupach, zachaplajecca bas-hitaraj. Z muzyčnych stylaŭ joj padabajucca R&B, rok, souł. Pančyšyna brała ŭdzieł u bolš čym 30 muzyčnych prajektach u Polščy, Francyi, Hiermanii, Ispanii. A ŭ Biełarusi jana brała ŭdzieł u adborach na dziciačaje «Jeŭrabačańnie».
Zaraz Rusłana znachodzicca ŭ siamiorcy ŭdzielnikaŭ, adnak jana naminavanaja na vylet. Ci zastaniecca biełaruska ŭ prajekcie stanie viadoma padčas kancerta 12 lutaha.
Finał prajekta adbudziecca ŭ kancy lutaha. Na prasłuchoŭvańnie pryjšli bolš za 13 tysiač čałaviek, ź jakich vybrali 18 udzielnikaŭ. Udzielniki navučajucca vakału, tancam sceničnamu majsterstvu, a kožny tydzień prachodziać spravazdačnyja kancerty.
Pieramožca prajekta atrymaje 100 tysiač jeŭra.
Čytajcie taksama:
Biełarus padaŭ zajaŭku na polski adbor na «Jeŭrabačańnie». Što za jon?
Biełarusy, jakija stali zorkami ŭ Rasii: što ź imi stała za čas poŭnamaštabnaj vajny?
