Videa litaralna ŭzarvała tyktok, nabraŭšy za sutki bolš za 270 tysiač prahladaŭ.
Karystalniki sacyjalnaj sietki aktyŭna abmiarkoŭvajuć jaho. Adny spačuvajuć niezajzdrosnaj doli niabožčykaŭ, adznačajučy, «jak kryŭdna ŭ kancy šlachu lažać u bałocie».
Inšyja pieražyvajuć z-za mahčymych nastupstvaŭ takich padtapleńniaŭ dla žyvych.
«Mohiłki na hruntavych vodach, a potym usio heta idzie ŭ našy studni i vodapravod», — piša adna z kamientatarak.
Ale mnohija adznačyli, što ich «bolš dzivić kolkaść śviežych mahił, a nie brud».
«Heta stolki pamierła ludziej za hod. Strašna, što robicca», — adznačyŭ niechta.
Novyja haradskija mohiłki ŭ Lesinie adkryli krychu bolš za dva hady tamu. Pieršaje pachavańnie tut zrabili ŭ listapadzie 2021 hoda. Pa stanie na sakavik 2023 hoda na mohiłkach było bolš za 800 mahiłaŭ.
Tut i ciapier amal niama pomnikaŭ, bo arhanizacyi, jakija zajmajucca ŭstanoŭkaj nadmahillaŭ, admaŭlajucca brać zamovu na ich praz asablivaści miascovaha hruntu.
Čytajcie taksama: