Ivan Suchamieraŭ
U 2017 hodzie chłopiec atrymaŭ dypłom sacyjalnaha piedahoha paśla zakančeńnia Mazyrskaha dziaržaŭnaha piedahahičnaha ŭniviersiteta imia Ivana Šamiakina.
Pryblizna z hetaha času, jak bačna pa jahonych sacyjalnych sietkach, jon pačaŭ krytyčna vykazvacca na adras ułady. Asabliva aktyŭna mužčyna vystupaŭ suprać adyjoznaha dekreta ab «darmajedach».
15 lutaha ŭ Homielskim abłasnym sudzie adbudziecca zakrytaje pasiadžeńnie, na jakim Ivana Suchamierava pačnuć sudzić. Jamu inkryminujuć:
- art. 361 zaŭv. 3 č. 1 — Udzieł na terytoryi zamiežnaj dziaržavy va ŭzbrojenym farmiravańni abo ŭzbrojenym kanflikcie, vajennych dziejańniach, viarboŭka abo padrychtoŭka asob da takoha ŭdziełu;
- art. 367 č. 2 — Paklop u dačynieńni da prezidenta Respubliki Biełaruś;
- art. 361 zaŭv. 2 č. 1 — Finansavańnie ekstremisckaj dziejnaści;
- art. 361 zaŭv. 2 č. 2 — Finansavańnie ekstremisckaj dziejnaści;
- art. 369 zaŭv. 1 — Dyskredytacyja Respubliki Biełaruś;
- art. 361 zaŭv. 1 č. 3 — Stvareńnie ekstremisckaha farmiravańnia abo ŭdzieł u im;
- art. 361 zaŭv. 4 č. 1 — Sadziejničańnie ekstremisckaj dziejnaści;
- art. 370 — Ździek ź dziaržaŭnych simvałaŭ;
- art. 361 zaŭv. 4 č. 2 — Sadziejničańnie ekstremisckaj dziejnaści;
- art. 361 č. 3 — Zakliki da mier abmiežavalnaha charaktaru (sankcyj), inšych dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś;
- art. 356 č. 1 — Zdrada dziaržavie (U redakcyi Zakona ad 09.01.2019);
- art. 290 zaŭv. 5 č. 2 — Arhanizacyja dziejnaści terarystyčnaj arhanizacyi i ŭdzieł u dziejnaści takoj arhanizacyi.
Sudzić chłopca budzie sudździa Siarhiej Bahinski, jaki raniej vynosiŭ mnostva palityčna matyvavanych prysudaŭ u dačynieńni da apanientaŭ ułady.
Čytajcie taksama:
Barys Chamajda pryjšoŭ u sud, ale jaho tam nie čakali
Za «zdradu dziaržavie» pačnuć sudzić aficera-artylerysta, jaki hod utrymlivajecca pad vartaj
