Barys Nadzieždzin. Fota: AP Photo
Kiraŭnik kamisii Eła Pamfiłava zajaviła, što kandydatam užo dali vyniki pravierki sabranych podpisaŭ. Pavodle jaje słoŭ, i ŭ Nadzieždzina, i ŭ Malinkoviča dola niesapraŭdnych podpisaŭ skłała 14-15%, piša «Novaja hazieta. Jeŭropa»
«U danym vypadku CVK Rasii idzie im nasustrač, navat niahledziačy na toje, što ŭ kožnaha była mahčymaść, jakoj kamanda Malinkoviča skarystałasia častkova, a kamanda Nadzieždzina nie skarystałasia zusim — prysutničać niepasredna ŭsie dni ŭ CVK padčas pravierki ich podpisaŭ», — adznačyła kiraŭnik CVK.
Pamfiłava padkreśliła, što takim čynam Centrvybarkam «prajaŭlaje dobruju volu i ŭličvaje prośby astatnich vyłučanych, ale nie zarehistravanych kandydataŭ».
Raniej Nadzieždzin źviarnuŭsia da kamisii z prośbaj pieranieści razhlad rehistracyi z 7 na 10 lutaha. Pavodle jaho słoŭ, «absalutna niemahčyma prahledzieć usie zaŭvahi CVK» va ŭstanoŭleny termin.
Čytajcie taksama:
CVK RF znajšoŭ 15% «braku» ŭ padpisnych listach za Barysa Nadzieždzina
U Rasii CVK znajšoŭ u podpisach za Nadzieždzina pamyłki, jakija «vyklikajuć ździŭleńnie»
