Alaksandr Bublik. Fota: Sue McKay
U finale Bublik, 27-ja rakietka śvietu, pieramoh charvata Bornu Čoryča (37-y) ź likam 5:7, 6:2, 6:3.
Bublik pravioŭ na turniry čatyry matčy i ŭ kožnym prajhravaŭ pieršy set — kanadcam Dzianisu Šapavałavu i Fieliksu Aže-Aljasimu, a taksama Alaksandru Šaŭčenku (Kazachstan) i Čoryču.
Takim čynam Bublik staŭ pieršym u historyi ATP (Asacyjacyi tenisistaŭ-prafiesijanałaŭ), chto vyjhraŭ turnir paśla paražeńniaŭ u pieršych setach usich matčaŭ, źviartaje ŭvahu RBK.
Bublik vyjhraŭ čaćviorty tytuł ATP u karjery i druhi ŭ Manpielje, dzie jon pieramahaŭ u 2022-m.
Za pieramohu ŭ Manpielje jon atrymaje 250 rejtynhavych bałaŭ i €88 tys. pryzavych. U novaj viersii rejtynhu ATP u paniadziełak jon padymiecca na 23-je miesca.
Alaksandr Bublik da 2016 hoda vystupaŭ za Rasiju.
Čytajcie taksama:
Sabalenka źniałasia z turniru ŭ stalicy Katara
