Andrej Barbašynski — namieśnik staršyni Biełaruskaj fiederacyi handboła, u minułym paśpiachovy handbalist. U 1992 staŭ alimpijskim čempijonam u składzie zbornaj SND. A ŭ 2020 byŭ davieranaj asobaj Alaksandra Łukašenki padčas prezidenckich vybaraŭ. Ciapier jon člen vykankama Nacyjanalnaha alimpijskaha kamiteta na čale ź Viktaram Łukašenkam.
«Kali spatrebicca, ja hatovy ŭziać u ruki aŭtamat i stać pobač plačom da plača z prezidentam», — kazaŭ Barbašynski.
Barbašynski rodam z Ašmianaŭ. Staŭ viadomym za košt hulni ŭ minskim SKA, u 1990-ja hulaŭ u kłubach ź Ispanii, Vienhryi i Hiermanii. Paśla skančeńnia karjery zaniaŭ biznesam. Pracuje dyrektaram biełaruska-niamieckaj kampanii «Biełabiedzinh», jakaja vypuskaje matracy na fabrycy pad Hrodna.
Barbašynski mieŭsia udzielničać u vybarach — ad jaho imieni sabrali podpisy ŭ padtrymku, praviali schod pracoŭnaha kalektyvu. Biznesmien padaŭ dakumienty na rehistracyju, ale ŭ apošni momant niešta pajšło nie tak.
U vyniku deputackaje miesca daviadziecca zaniać jaho sparynh-partniorcy, zahadčycy siektara kultury Ašmianskaha rajvykankama Volzie Barysienka-Rabko, jakuju dadali ŭ biuleteni ad Kamunistyčnaj partyi.
Čytajcie taksama:
Bresckaja deputatka parłamienta išła na pieravybary — ale raptoŭna źniała svaju kandydaturu
Kiraŭniki «Biełaruśkalija» pajšli na vybary i apublikavali dekłaracyi. Jakija ŭ ich zarobki?
