Ciapier u instahramie «Bruhie» źjaviłasia infarmacyja, što kłub chutka znoŭ adkryjecca. Realt.by raskazvaje, kali i ŭ jakim farmacie.
— «Bruhie» viartajecca. My amal ničoha nie mianiali i starajemsia całkam zachavać lubimuju atmaśfieru kłuba, tamu ty znoŭ možaš viarnucca ŭ svoj dom! — napisali ŭ instahramie kłuba.
Pieršy kancert zapłanavany na 2 sakavika. Vystupać buduć biełaruskija hurty, jakija hrajuć mietał i mietałkor.
Što za kłub?
Načny kłub «Bruhie» znachodzicca pa adrasie Partyzanski praśpiekt, 6A. Heta za dziesiać chvilinaŭ chady ad stancyi mietro «Praletarskaja». Jon pracavaŭ z 2015 pa 2021 hod, da jaho na hetym miescy byŭ kłub «Piraty». Raniej «Bruhie» byŭ viadomy častymi kancertami biełaruskich muzykaŭ.
«Bruhie» pradavali za 20 tysiač dalaraŭ. Za hetyja hrošy pakupniku abiacali novuju jurydyčnuju asobu (biez daŭhoŭ i historyi, udakładniaŭ pradaviec) i dahavor arendy pamiaškańnia. Taksama ŭ košt uvachodziła licenzija na prodaž ałkaholu, mebla, abstalavańnie kuchni i bara i staronka kłuba ŭ Instagram z 12,2 tysiačy padpisčykaŭ.
Čytajcie taksama:
Začaravanaje miesca. U samym centry Minska zakryłasia čarhovaja ŭstanova, što adpracavała tolki hod
Z karaleŭskaj lustraj u sanvuźle. U Minsku ŭ zvyčajnym ŽK pradajecca kvatera-pałac
U Minsku ŭ elitnym domie pradajecca kvatera na dachu. Jak u Karłsana, tolki ŭ razy bolšaja
