U svaim novym videa jon źviarnuŭsia da padpisčykaŭ pa-biełarusku i zajaviŭ:
«Nastupnyja videamateryjały buduć, chutčej za ŭsio, na biełaruskaj movie. Bo paru dzion tamu ja atrymaŭ 15 bazavych za raspaŭsiud ekstremisckaj infarmacyi. Zaraz ja abvieščany ŭ vyšuk — nie viedaju, čamu. I zaŭtra, chutčej za ŭsio, pačniecca novaja administracyjnaja albo kryminalnaja sprava. Tamu lepiej razmaŭlać na biełaruskaj movie, kab nie ŭsie viedali, što havorycca ŭ hetych rolikach.
Ale ja vyvuču biełaruskuju movu, ja abiacaju» (pamyłki papraŭleny Fłahštokam).
U raskładach sudoŭ novych spraŭ u dačynieńni Katlarova pakul niama.
Raniej jon pačyściŭ svaje sacyjalnyja sietki i vydaliŭ svoj telehram-kanał — byccam by z-za pahrozaŭ z boku siłavikoŭ.
Taksama niadaŭna Katlaroŭ raspaviadaŭ, jak schadziŭ na pryjom u Homielski abłvykankam i rasčaravaŭsia va ŭładzie.
Čytajcie taksama:
U Homieli začyścili praŭładnych błohieraŭ
Stała viadoma imia administratara taksičnych homielskich pablikaŭ — rasśledavańnie «Fłahštoka»
