Fota ilustracyjnaje
Ministry abarony krain Bałtyi na sustrečy ŭ Ryzie 19 studzienia damovilisia, što anałahičnuju abarončuju zonu na ŭschodniaj miažy stvorać taksama Łatvija i Litva. Dla NATA Estonija, Łatvija i Litva — heta adna apieratyŭnaja zona.
Pa słovach daradcy vice-kanclera Ministerstva abarony Kajda Cijtusa, abjekty fizičnaj abarony na miažy patrebnyja dla taho, kab u vypadku nieabchodnaści abaranić terytoryju Estonii ź pieršaha mietra.
«Rasija jość i budzie samaj vialikaj pahrozaj biaśpiecy Estonii. Vajna va Ukrainie źmienšyła nastupalnuju moc Rasii, ale, pa roznych acenkach, jana hatovaja adnavić jaje na praciahu dvuch-troch hadoŭ. My pavinny być hatovyja i zrabić košt napadu na Estoniju dla Rasii jak maha vyšejšym», — skazaŭ Cijtus.
Jon dadaŭ, što abjekty abarony nieabchodnyja na vypadak mahčymaha napadu, kab zatrymać praciŭnika na miažy i dać sajuźnikam čas pryjści na dapamohu. Bunkiery abaroniać vajskoŭcaŭ ad ahniu praciŭnika i askiepkaŭ snaradaŭ.
Bunkiery pavinny vytrymlivać pramoje traplańnie snarada kalibra 152 mm. Kožny bunkier raźličany na dziesiać čałaviek. Pamier bunkiera składaje 30-35 kvadratnych mietraŭ, i jon sprajektavany takim čynam, kab padraździaleńnie mahło supraćstajać supierniku na praciahu daŭžejšaha pieryjadu času. Aproč inšaha, u kožnym bunkiery jość jašče i spalnaje miesca.
Na jakoj adlehłaści ad miažy buduć pabudavanyja bietonnyja bunkiery, pakul udakładniajecca. Čakajecca, što Minabarony pačnie kamunikavać ź miascovymi žycharami z nahody stvareńnia punktaŭ u najbližejšyja tydni.
Čytajcie taksama:
Kiraŭniku Estonskaj pravasłaŭnaj carkvy MP nie praciahnuli dazvoł na žycharstva
bunkier - heta ž nie roŭna dotu ci typu taho?
pa paniacijach... po opriedieleniju? e ?