Niepryjemna pachnuć nohi? Voś što možna skazać pra heta 3

Niepryjemny pach ad noh moža mieć roznyja pryčyny. Fota: Naša Niva

Niepryjemny pach ad noh moža mieć roznyja pryčyny. Abutak, zrobleny sa štučnych materyjałaŭ, jakija nie prapuskajuć pavietra i nie dajuć naham dychać. Pierabor vostraj ježy ci ałkaholu, pryjom lekaŭ. Nie treba zabyvacca i pra hihijenu noh.

Na pach noh upłyvajuć i peŭnyja harmanalnyja źmieny, što adbyvajucca ŭ padletkavym uzroście i ŭ pieryjad ciažarnaści.

Daktary taksama adznačajuć, što niepryjemny pach noh mohuć vyklikać i niekatoryja zachvorvańni. Siarod ich dyjabiet, parušeńnie funkcyi ščytapadobnaj załozy, bakteryjalnyja infiekcyi ci mikoz stop, a taksama praźmiernaje potavydzialeńnie. U takich vypadkach lepš źviarnucca da śpiecyjalista, jaki vyznačyć pryčynu zachvorvańnia i vybiera pravilnyja leki.

Chatnija srodki ad niepryjemnaha pachu noh

Efiektyŭnym srodkam pazbaŭleńnia ad niepryjemnaha pachu noh u chatnich umovach źjaŭlajucca vannački z vykarystańniem anhlijskaj soli (sol Epsoma). U dvuch litrach vady dastatkova rastvaryć pałovu šklanki soli. U takim rastvory nohi trymajuć 30 chvilin. Praceduru paŭtarajuć dva razy na dzień.

Zamiest anhlijskaj soli možna vykarystać zvyčajnuju charčovuju sol ci jabłyčny vocat, jaki taksama vałodaje bakterycydnymi ŭłaścivaściami. Da taho ž jon raźmiakčaje epidermis, što dapamahaje pry najaŭnaści mazaloŭ na nahach.

Anałahičnym čynam budzie pracavać sumieś charčovaj sody i limonnaha soku. Na dva litry vady spatrebicca čverć šklanki sody i sok adnaho limona. Nohi treba trymać 15-20 chvilin.

Źmienšyć potavydzialeńnie noh taksama dapamohuć vannački z šałfiejem i razmarynam. U hetym vypadku dla pryhatavańnia nastoju biaruć 1 čajnuju łyžku razmarynu i 1-2 čajnyja łyžki vysušanaha šałfieju. Paśla taho, jak nastoj nastaicca i astynie, jaho dadajuć u misu ź ciopłaj vadoju, u jakoj nohi trymajuć 30 chvilin.

Praviły dahladu noh

Niepryjemny pach noh źviazany ź ich vilhotnaściu. Tamu paśla kožnaha razu, jak nohi byli namočanyja (paśla vanny, dušu, basiejnu) ich treba staranna vysušyć.

Kali ŭ vas pavyšanaje potavydzialeńnie noh (ci vy viedziacie aktyŭny ład žyćcia), to lepš nasić z saboju zapasnuju paru škarpetak, kab ich nadzieć, kali adčujecie, što padešvy i pramiežki pamiž palcami stali zanadta vilhotnymi.

Pazbavicca ad niepryjemnaj prablemy taksama dapamoža vykarystańnie talku ci prysypki dla dziaciej. Joju treba apracavać nohi pierad kožnym vychadam z domu.

Taksama nieabchodna źviarnuć uvahu na skład materyjału, ź jakoha zrobleny škarpetki. Jon pavinien być pieravažna naturalnym, što dazvalaje naham dychać, i dobra ŭbirać pot.

Abutak

Abutak, što my nosim, taksama ŭpłyvaje na pach našych noh. Treba, kab jon nie byŭ ciesnym i byŭ zrobleny z materyjałaŭ, jakija dazvalajuć naham dychać.

Nielha zabyvać pra rehularnuju čystku ci myćcio abutku. Pazbavicca ad niepryjemnaha pachu taksama dapamoža antybakteryjalny sprej, jakim apracoŭvajucca vuściłki. Z takoj zadačaj paśpiachova spravicca i bornaja kisłata.

Nielha nasić adnu i tuju ž paru abutku niekalki dzion zapar. Kali ŭ vas jość niekalki lubimych par, nie zabudźciesia mianiać ich takim čynam, kab kožnaja para była ačyščana i pravietrana pierad tym, jak znoŭ być nadzieta na nohi.

Čytajcie jašče:

Jak pačyścić biełyja čaraviki: całkam pravieranyja mietady

Pakładzicie abutak u maraziłku. Efiekt budzie niečakana stanoŭčym

Svabodu stupniam! Jakija pieravahi i niebiaśpieki toić «basanohi abutak»

Pasažyru nadakučyli śmiardziučyja nohi susiedki. Jon vyrašyŭ prablemu aryhinalna

12

0

0

0

0

5

Antoś Župran

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH