Tempieratura pavietra pavodle Celsija i Farenhiejta. Fota: Wikimedia Commons
U Minsku ŭ 10:45 było 18°S marozu pavodle škały Celsija. Ale kali pieravieści ŭ škału Farenhiejta, heta budzie 0,4°F (-18 ch 9 / 5 + 32 = 0,4°F).
Hetuju mietodyku padliku prydumaŭ u 1724 hodzie niamiecki navukoviec Habryel Farenhiejt.
Na škale Farenhiejta tempieratura rastavańnia lodu roŭnaja +32°F, a tempieratura kipieńnia vady +212°F (pry narmalnym atmaśfiernym cisku).
Dyjapazon 0…+100°F pa škale Farenhiejta prykładna adpaviadaje dyjapazonu -17,8…+37,8°C pa škale Celsija. Nul pa škale Farenhiejta vyznačaŭsia pa tempieratury sumiesi vady, lodu i chłarydu amoniju (adpaviadaje prykładna -17,8°C).
Narmalnaja tempieratura čałaviečaha cieła pa škale Celsija roŭnaja +36,6°C, a pa škale Farenhiejta — +97,88°F. Škały Celsija i Farenhiejta pierasiakajucca ŭ kropcy -40 adzinak, dzie pakazvajuć na adnolkavuju tempieraturu.
Škała Farenhiejta była pryniataja ŭ anhłamoŭnych krainach da 1960-ch hadoŭ, a ciapier zastałasia tolki ŭ ZŠA.
Čytajcie taksama:
Nočču było vielmi chałodna, ale tempieratura nižej za -30 nie apuściłasia
Sinoptyki aściarožna namiaknuli, kali adstupiać chałady
Što rabić u vypadku pieraachaładžeńnia? Parady ad ratavalnikaŭ
