Jak paviedamlajuć hrodzienskija pravaabaroncy, Alenu Jahoryčavu z Hrodna zatrymali razam z mužam jašče 30 vieraśnia 2021 hoda. U lutym 2022 hoda joj prysudzili 2 hady i 6 miesiacaŭ kałonii va ŭmovach ahulnaha režymu pavodle artykułaŭ 342 i 364 Kryminalnaha kodeksa.
Nahodaj dla palityčnaha pieraśledu staŭ udzieł u mirnaj akcyi pratestu kala hrodzienskaha pradpryjemstva «Mołočnyj mir» 6 vieraśnia 2020 hoda. Jahoryčavu źvinavacili taksama ŭ nibyta hvałcie nad amapaŭcam.
Sudździa Vital Łabocki prysudziŭ mužu Jahoryčavaj Iharu Pazdniakovu 2,5 hoda «chimii», a Alenie — 2 hady kałonii.
Admietna, što baćka Aleny Jahoryčavaj — Uładzimir Jahoryčaŭ — apantany stalinist i prychilnik savieckich represij, adzin z samych adyjoznych vykładčykaŭ Hrodzienskaha kupałaŭskaha ŭniviersiteta. Jon člen arhanizacyi «Lenin i Otiečiestvo», člen KPB.
Čytajcie taksama:
Vyjšaŭ na volu palitviazień Michaił Kucharčuk
