Baćka chłopčyka trymaje ŭ rukach partret zahinułaha syna. Fota: Anłajnier
Trahiedyja adbyłasia ŭ listapadzie 2022 hoda ŭ Homielskim abłasnym kompleksnym centry alimpijskaha reziervu. Trenierka padčas zaniatkaŭ pa płavańni nie ŭhledzieła, jak chłopčyk 2016 hoda naradžeńnia staŭ tanuć.
Pavodle materyjałaŭ spravy, abvinavačanaja 13 listapada 2022 hoda pravodziła płatnyja zaniatki pa płavańni z hrupaj z 13 dziaciej.
«U vyniku nienaležnaha vykanańnia ŭskładzienych na treniera abaviazkaŭ u častcy biaśpieki žyćcia i zdaroŭja dziaciej małaletni chłopčyk zachłynuŭsia vadoj u čašy dziciačaha basiejna. Paśla dastaŭleńnia ŭ kliničnuju balnicu z dyjahnazam «utapleńnie, terminalnaja koma» jon praz 37 dzion, nie prychodziačy ŭ prytomnaść, pamior», — havorycca ŭ paviedamleńni.
Abranuju raniej u dačynieńni da abvinavačanaj mieru strymańnia ŭ vyhladzie asabistaha paručycielstva pakinuli bieź źmieny.
Čytajcie taksama: