Uładzimir Mackievič. Fota: churchby.info
Łukašenkaŭskija prapahandysty chvalacca tym, što raskryli «čarhovuju afioru» Abjadnanaha pierachodnaha kabinieta. U krasaviku 2023 hoda Kabiniet zarehistravaŭ adnajmienny fond. Jak vynikaje z bazy danych, skryn jakoha pryvodziać prapahandysty, staršynioj praŭleńnia fondu zjaŭlajecca Valer Mackievič — kiraŭnik aparatu Abjadnanaha pierachodnaha kabinieta.
Vypiska z bazy danych. Fota: sacsietki.
Jak my raniej pisali, Valeryju 40 hadoŭ. Jon z Babrujska, dzie jašče ŭ kancy 1990-ch stvaryŭ filiju «Maładoha frontu». U 2012 hodzie adyšoŭ ad palityki i zaniaŭsia pradprymalnictvam. U 2020-m dałučyŭsia da vybarčaha štabu Valeryja Capkały. A ŭvosień taho ž hoda źjechaŭ ź Biełarusi.
Valeryj Mackievič. Fota: Ofis Śviatłany Cichanoŭskaj
Ale prapahandysty nie stali vyśviatlać, pra jakoha Mackieviča idzie havorka. Zamiest hetaha jany zajavili:
«Cichanoŭskaja zarehała čarhovy fond na Valeryja Mackieviča. Tak, taho samaha «filoziafa», jaki siadzić na narach z 2021 hoda za biesparadki i kiraŭnictva ekstremisckim farmavańniem».
Dopis u telehram-kanale ŽS Premium.
Sapraŭdy, fiłosaf i hramadska-palityčny dziejač Mackievič u žniŭni 2021 hoda byŭ aryštavany KDB, a ŭ červieni 2022 hoda asudžany da piaci hadoŭ kałonii ŭzmocnienaha režymu. Ale jaho imia Uładzimir. Zrazumieła, što Uładzimir Mackievič nie maje nijakaha dačynieńnia da zasnavanaha fondu.
Čytajcie jašče:
Fejkamiot Prydybajła stralaje chałastymi — repościć «hołuju viečarynku ŭ štabie BNF»
Fejkavyja akaŭnty ad imia Ofisa Cichanoŭskaj źbirajuć danyja biełarusaŭ nibyta dla novych pašpartoŭ
