Fota: Agencia Central de Noticias de Corea/Korea News Service via AP
Lidar KNDR Kim Čen Yn zajaviŭ, što jaho kraina «biez najmienšaha vahańnia naniasie zrujnavalny ŭdar i źniščyć stalicy voraha», vykarystoŭvajučy ŭvieś isnujučy arsienał, u tym vypadku, kali ZŠA i Paŭdniovaja Kareja vybieruć šlach vajennaj kanfrantacyi suprać KNDR.
Adpaviednuju zajavu jon zrabiŭ na navahodniaj sustrečy z kamandzirami Karejskaj narodnaj armii, piša TASS.
«Tavaryš Kim Čen Yn skazaŭ, što ź niastomnym prasoŭvańniem napierad našaj revalucyi jašče bolš uzmocniacca pieradśmiarotnyja intryhi ZŠA i elemientaŭ «Respubliki Kareja», jakija sprabujuć pieraharadzić jaho, padkreśliŭšy, što naša armija pavinna biaźlitasna sarvać pravakacyi vorahaŭ.
A kali praciŭniki buduć vybirać antyrespublikanskuju vajskovuju kanfrantacyju, to varta biez najmienšaha vahańnia nanieści sakrušalny ŭdar i całkam źniščyć stalicy voraha i zhraju vajskovych hanhstaraŭ, puskajučy ŭ chod uvieś arsienał zvyšmahutnych srodkaŭ», — havorycca ŭ paviedamleńni.
Čytajcie taksama:
Kim Čen Yn zahadaŭ vajskoŭcam paskoryć padrychtoŭku da vajny
Kim Čen Yn buduje kurort «typu Ibicy». Za valutu — luby kapryz
U Paŭnočnaj Karei ŭpieršyniu za 67 hadoŭ ludzi na vybarach prahałasavali suprać
