Fota: Realt.by
Hety dom z nadpisam «MAZ» na dachu znachodzicca na praśpiekcie Niezaležnaści, 80 u Minsku. Jaho pabudavali ŭ 1962 hodzie pa prajekcie architektaraŭ Sysojeva i Musinskaha. Pieršapačatkova jon vyhladaŭ tak:
Budynak staŭ sapraŭdnaj haradskoj słavutaściu. U narodzie jaho nazyvali dom z čajkaj (z-za kanstrukcyi na dachu).
Płaniroŭka kvater, padjezdaŭ, leśvičnych prajomaŭ i liftaŭ adpaviadali patrabavańniam padvyšanaj kamfortnaści, pakolki dom pryznačaŭsia dla elity taho času: čynoŭnikaŭ, pradstaŭnikoŭ techničnaj i tvorčaj intelihiencyi, vajennych i spartsmienaŭ.
Tut žyli futbalisty minskaha «Dynama», zasłužany i narodny artyst BSSR, śpiavak Zinovij Babij, Hieroj Savieckaha Sajuza lotčyk Andrej Kułahin. Była tut i kvatera trochrazovaha alimpijskaha čempijona i siamirazovaha čempijona śvietu pa baraćbie Alaksandra Miadźviedzia.
Fota: Realt.by
A niadaŭna tut na prodaž vystavili trochpakajovuju kvateru, u jakoj saviecki interjer zachavaŭsia amal u pieršapačatkovym vyhladzie. Jana znachodzicca na druhim paviersie, ale nie ŭ centralnaj, a ŭ bakavoj častcy doma.
Płošča kvatery — 65,6 «kvadrata». U jaje voś takaja płaniroŭka:
Ale bolš cikavy tut interjer, bo jon zachavaŭsia amal u pieršapačatkovym vyhladzie. Va ŭsioj kvatery toj samy parkiet jalinkaj i vintažnaja (pa ciapierašnich mierkach) mebla. Voś tak vyhladaje haścioŭnia:
U dvuch žyłych pakojach — taksama tolki savieckaja mebla. Vybivajucca z kantekstu chiba što puzatyja televizary z 90-ch.
Rohi — taksama na miescy. Jany visiać u kalidory. Tut ža — i partret Puškina.
Kuchnia — 8 «kvadrataŭ». Sanvuzieł — raździelny. Łodžyja zašklonaja voknami PVCH.
Za kvateru prosiać 99,9 tysiačy dalaraŭ. Mietr vychodzić pa 1523 dalary.
