«Ja nieŭzabavie da vas pryjedu. Ja ŭžo byŭ u Biełarusi i začaravany vašaj krainaj. Źbierahajcie svajho prezidenta i svaju svabodu, svoj suvierenitet. Kali vy heta stracicie, to stracicie siabie. A biełaruski narod — heta svabodny narod, i za heta varta płacić. Svaboda važniejšaja za ŭsio. Biełaruś, Rasija, Respublika Sierbskaja — miru nam usim», — skazaŭ Miłarad Dodzik.
Bośnija i Hiercahavina składajecca ź dźviuch častak — Fiederacyi Bośnii i Hiercahaviny (jaje nasielnictva — pieravažna baśnijcy-musulmanie i charvaty) i Respubliki Sierbskaj. Kali pieršaja aryjentavanaja pieradusim na Zachad, to ŭ Respublicy Sierbskaj, jakoj kiruje Miłarad Dodzik, mocnyja prasierbskija i prarasijskija nastroi. Nieabchodnaściu trymać raŭnavahu pamiž hetymi častkami tłumačycca niepaśladoŭnaść dziaržaŭnaj palityki Bośnii i Hiercahaviny. Abvastreńnie mižnacyjanalnych adnosin u hetym rehijonie ŭ pieršaj pałovie 1990-ch hadoŭ mieła vynikam kryvavuju vajnu z prykmietami hienacydu.
Čytajcie taksama:
«Rasiejcaŭ stolki, što Białhrad pieraŭtvarajecca ŭ niejki Biełharad». Jak žyvuć biełarusy ŭ Sierbii
Prezident Sierbii choča adnavić sumiesnyja vučeńni z NATA
Łukašenka raspavioŭ, jak nakarmiŭ Zimbabve, i daručyŭ razabracca ź Sierbijaj
