Fota ilustracyjnaje
Jorkšyrski terjer Łuna (mianuška źmienienaja) pačaŭ kiepska stajać na nahach u pačatku śniežnia 2021 hoda. Haspadynia adviezła jaho da vieterynara ŭ Hiermanii, jaki pastaviŭ dyjahnaz — paralič.
Niahledziačy na nieadnarazovyja rekamiendacyi doktara, žančyna nie padviarhała žyviolinu eŭtanazii. U siaredzinie studzienia 2022 hoda ŭ situacyju ŭmiašałasia vieterynarnaja słužba, jakaja i zabrała Łunu z kvatery ŭ Dylsdorfie, kab usypić jaje.
Akramia taho, vieterynary znajšli tam jašče adnaho sabaku pa mianušcy Tobi (źmieniena), jaki pakutavaŭ ad naraściaŭ zubnoha kamienia i mieŭ patrebu ŭ nieadkładnym lačeńni.
U vyniku naša suajčyńnica paŭstała pierad sudom pa abvinavačvańni ŭ žorstkim abychodžańni z žyviołami.
Jana patłumačyła, što zaŭsiody staviła intaresy sabak na pieršaje miesca. Łuna pa-raniejšamu mieła dobry apietyt, davała zrazumieć, kali choča ŭ tualet — heta značyć, usio ž niešta adčuvała. Taksama biełaruska skazała, što ličyła rekamiendacyi vieterynara tolki paradaj.
Advakat dadaŭ, što žančyna spadziavałasia na ŭdakładnieńnie dyjahnazu i bajałasia, što hadavanca ŭsypiać zaŭčasna. Mahčyma, abjektyŭna jana pastupiła niapravilna, ale subjektyŭna chacieła dla sabak najlepšaha.
Sudździa pastanaviŭ, što luboŭ našaj suajčyńnicy da svaich žyvioł aślapiła jaje. U vypadku z Łunaj jon pryznačyŭ štraf u 500 frankaŭ. U vypadku z Tobi — umoŭny štraf u 50 dzionnych stavak pa 30 frankaŭ. Biełaruska taksama pavinna apłacić vydatki ŭ 4200 frankaŭ.
Čytajcie taksama:
Što adbyvajecca ŭ Kabakach paśla samahubstva stvaralnika prytułku dla žyvioł
U Smarhoni mužčyna na vačach u ludziej zarezaŭ sabaku. Što vyrašyŭ sud
«Čamu vy na mianie nakinulisia?» Na Brestčynie zabiŭ siabie stvaralnik sabačaha prytułku
