Fota: Carlo A / Getty Images
Bejhiel — «pulchny» bublik, nievialiki kruhły chlebny vyrab z draždžavoha ciesta z adtulinaj u centry. Papularnyja siońnia ŭ śniadankavych mieniu bejhieli padajuć z roznym načyńniem — ad jajka ź biekonam da tvarahu z harodninaj i nuteły.
Prapanavany varyjant, badaj, adzin z samych sytnych. Adnak kali vas čakaje dzień, nasyčany aktyŭnaściami, — heta toje, što treba!
Spatrebicca:
Jak pryhatavać jajki pašot
Ludzi časta jaduć jajki pašot u kaviarniach, ale vielmi redka hatujuć ich doma, bo heta nie nadta zvykły dla nas sposab hatavańnia — choć vynik atrymlivajecca najsmačniejšy. Jak ža heta zrabić?
Hałoŭnaja ŭmova — jajki pavinny być śviežyja. Heta sapraŭdy važny faktar, jaki vyznačaje pośpiech hatavańnia. Śviežyja jajki majuć bolš ćviordy białok, mienš vadkaści i prosta lepš zachoŭvajuć śfieryčnuju formu.
- Daviadzicie vialikuju kastrulu vady da kipieńnia, zatym pamienšycie ahoń da minimumu.
- Raźbicie jajka ŭ drobnaje sita (nad nievialikaj miskaj) i prybiarycie vadkuju častku białku.
- Pierakładzicie jajka ŭ nievialiki kubak abo misku.
- Dadajcie ŭ rondal adnu stałovuju łyžku vocatu i raźmiašajcie vadu takim čynam, kab stvaryć varonku.
- Vylicie jajka ŭ siaredzinu varonki i pastaŭcie tajmier na 3 chviliny.
- Kali jajka budzie hatova, dastańcie jaho šumoŭkaj. Pramaknicie papiarovym ručnikom, kab vydalić lišniuju vadu, i adrazu padavajcie.
Inšyja składniki:
- Padsmažcie bułački.
- Abiarycie i razamnicie avakada i namažcie na bułački, papiarednie apyrsnuŭšy ich limonnym sokam.
- Vykładzicie kavałački vendžanaha łasosia na pastu z avakada i pakładzicie źvierchu jajki-pašot. Pierad padačaj pasypcie piercam.
Čytajcie taksama:
Dumajecie, što ŭmiejecie čyścić jajki pravilna? Voś niekalki łajfchakaŭ, jak spraścić hety praces
Recept nieskładany, ale cikavy. Jaječnia z rysam i harodninaj
Recept śniadanka ad šef-kuchara: butery ź jajkam i zialonaj cybulaj
