Ramzan Kadyraŭ. Skrynšot ź videa
Pavodle mierkavańnia Ramzana Kadyrava, źbiŭšy Žuraŭla, na toj momant 15-hadovy Adam Kadyraŭ «atrymaŭ mahčymaść supakoić svaju dušu». I jaho niama za što karać.
«Karać [Adama]? Za što karać? Za toje, što jon ahienta źbiŭ? Było b dobra, kali jon zabiŭ jaho. U mianie adno žadańnie, kali ja ŭspaminaju tych, chto spalvaje Karan, adna mara — kab jany panieśli pakarańnie», — zajaviŭ Kadyraŭ.
Na pytańnie, ci moža Žuraviel pa-sapraŭdnamu raskajacca za svoj učynak, Kadyraŭ adkazaŭ: «Pozna ŭžo škadavać».
Nahadajem, što paśla źbićcia Adamam Kadyravym Mikity Žuraŭla ŭ SIZA i apubličvańnia hetaha dziejańnia junak nie tolki nie panios nijakaha pakarańnia, ale jaho stali, naadvarot, ušanoŭvać nie tolki ŭ Čačni, ale i ŭ inšych rasijskich rehijonach. Taksama, niahledziačy na niepaŭnalećcie, Adam Kadyraŭ atrymaŭ adrazu niekalki pasad u siłavych strukturach respubliki.
Čytajcie taksama:
15-hadovamu Adamu Kadyravu ŭručyli orden «Za słužeńnie relihii Isłam» I stupieni
«Honar Ajčyny». Troch synoŭ Ramzana Kadyrava ŭznaharodzili najvyšejšym ordenam parłamienta rehijona
15-hadovaha syna Ramzana Kadyrava pryznačyli na pasadu načalnika adździeła biaśpieki kiraŭnika Čačni
