Fota: David Turnley / Corbis / VCG via Getty Images
U 2023 hodzie praz vajnu va Ukrainie źniziłasia cikavaść da ruskaj movy va ŭsim śviecie. Ciapier bolš ludziej vyvučajuć ukrainskuju. DW znajomić z tendencyjami ŭ vyvučeńni zamiežnych moŭ.
Duolingo — samy papularny ŭ śviecie biaspłatny mabilny dadatak, jaki śpiecyjalizujecca na adukacyjnych kursach, uklučajučy vyvučeńnie zamiežnych moŭ. Štohadovaja spravazdača Duolingo hruntujecca na danych miljonaŭ karystalnikaŭ hetym dadatkam pa ŭsim śviecie i dajuć unikalnuju infarmacyju ab tym, jakija movy najbolš papularnyja i jak źmianiajecca cikavaść da ich va ŭsim śviecie.
Spravazdača Duolingo Language Report 2023 zasnavanaja na danych karystalnikaŭ, jakija vyvučali movy pa dadatkach Duolingo z 1 kastryčnika 2022 hoda pa 30 vieraśnia 2023 hoda. U jaho nie ŭvajšli danyja ab navučencach va ŭzroście da 13 hadoŭ.
Anhlijskaja mova lidziruje ŭ rejtynhu
Niadziŭna, što anhlijskaja zastajecca samaj papularnaj zamiežnaj movaj u śviecie. I sioleta jana zaniała pieršaje miesca siarod 122 krain śvietu. Rejtynh samych vyvučanych moŭ u śviecie vyhladaje tak: za lidaram rejtynhu — anhlijskaj — iduć ispanskaja, francuzskaja, niamieckaja, japonskaja, karejskaja, italjanskaja, chindzi, kitajskaja i partuhalskaja movy.
U hetym hodzie ŭ rejtynh upieršyniu ŭvajšli Afhanistan, Maldyvy i Malta. U mnohich častkach śvietu anhlijskaja mova maje važnaje značeńnie dla ekanamičnaha i akademičnaha abmienu infarmacyjaj. Asabliva vialikaja cikavaść da anhlijskaj siarod navučencaŭ u Azii.
Partuhalskaja vycieśniła ruskuju movu ź lidaraŭ
Z momantu zapusku pieršaha kursa ruskaj movy na Duolingo ŭ 2015 hodzie, ruskaja mova rehularna ŭvachodziła ŭ top-10. Adnak u hetym hodzie jaje vycieśniła na 11 miesca partuhalskaja mova.
Hety fakt, na dumku ekśpiertaŭ, adlustroŭvaje dźvie važnyja kulturnyja źmieny: źnižeńnie cikavaści da ruskaj movy z-za vajny va Ukrainie i ŭzrosłaja cikavaść da Brazilii i Partuhalii, asabliva siarod turystaŭ.
Partuhalskaja mova taksama papularnaja siarod susiedziaŭ Brazilii: jana zajmaje druhoje miesca siarod zamiežnych moŭ u Balivii, Parahvai, Uruhvai i Vieniesuele. U Parahvai i Uruhvai cikavaść da vyvučeńnia partuhalskaj movy samaja vialikaja ŭ śviecie: tam hetuju movu vyvučaje prykładna kožny piaty čałaviek.
Cikavaść da vyvučeńnia ŭkrainskaj movy
Vajna va Ukrainie ŭpłyvaje na rost cikavaści da ŭkrainskaj movy. 37 adsotkaŭ ludziej va ŭsim śviecie bačać u vyvučeńni ŭkrainskaj mahčymaść prajavić salidarnaść z ukraincami i naładzić znosiny ź imi (pavodle infarmacyi ŭ błohu Duolingo).
U 2023 hodzie krainami, u jakich bolš za ŭsio vyvučajuć ukrainskuju movu, byli ZŠA, Vialikabrytanija, Polšča, Rasija i sama Ukraina. Aŭstralijcy vyvučajuć ukrainskuju movu najbolš paśladoŭna, za imi iduć Kanada i Finlandyja.
Chaj užo robiać vysnovy i stvarajuć redakcyi na inšych movach.