«My, jak i raniej, padrychtavali dla vas cudoŭnyja prajekty ŭ kałabaracyi z najlepšymi kreatyŭščykami, artystami i ekśpiertami. A jašče my zapuskajem naš firmovy mierč! Chaj kožny stanie častkaj našaj abjadnaŭčaj nitki, nie zaŭsiody bačnaj — ale mocnaj, jak kanat», — prezientujuć fiestyval jahonyja arhanizatary.

Siarod mierapryjemstvaŭ fiestyvalu:

  • zachaplalny kviz pa biełaruskaj i idyš movach;

  • śpiecyjalny pakaz multfilma «Shirey Mara» / «Pieśni Mary». Historyja-ŭspamin pra jaŭrejski Minsk;

  • premjera aŭdyjahida pa miastečku Śmiłavičy;

  • premjera sinhła «Kultura». Artystyčnaje pieraasensavańnie vierša Mojše Kulbaka 1917 hoda;

  • Maj Dancyh. Pieršy vypusk pra savieckich jaŭrejskich mastakoŭ Biełarusi;

  • «Pra jaŭrejaŭ i sieladziec» — tradycyja, recepty, smak. Kulinarny rolik i artykuł pra «samy jaŭrejski pradukt»;

  • Izrail Basaŭ. Pieršy vypusk pra savieckich jaŭrejskich mastakoŭ Biełarusi.

Partniorami fiestyvalu pry praviadzieńni asobnych mierapryjemstvaŭ vystupajuć jutub-kanał Mikity Moniča, muziej «Prastora Chaima Sucina», Muziej jaŭrejskaha naroda ŭ Tel-Avivie, Palina, vydańnie 34mag i inšyja.

«Padčas minułych fiestyvalaŭ my nadavali ŭvahu chanukalnym stravam, adznačajučy, što fiestyval prachodzić u dni śviata. Ale ŭličvajučy ŭsiu raznastajnaść i bahaćcie jaŭrejskaj kuchni, nastaŭ čas raskryć i inšyja kulinarnyja tradycyi.

U hetym hodzie, razam z kandytarskaj DaMaster, my padrychtavali dva kłasičnyja aškienazskija jaŭrejskija desierty — babku i ruhiełach. Hetyja prysmaki byli vielmi papularnyja ŭ biełaruskich miastečkach. U ramkach fiestyvalu vy možacie zamović ich u padarunak sabie abo blizkim da 15 śniežnia ŭ Minsku!» — zhadvajuć pra dadatkovy bonus arhanizatary.

Dałučycca da mierapryjemstvaŭ fiestyvalu možna tut.

Čytajcie taksama:

Łatkies: jak jaŭrejskaja strava zapazyčyła nazvu ad biełaruskich aładak. I našmat daŭžejšaja historyja

Pahromy na Biełarusi. Chto za imi stajaŭ

Biełarusy zamiežža pra toje, što možna pieraniać u inšych krain. Častka 1: Ispanija, Polšča, Izrail, Litva, Niderłandy

«Siabroŭka z saboju ŭziała siakieru. Va ŭsim budziem raźbiracca, kali Izrail pieramoža». Biełarusy ŭ Izraili pra vajnu vačyma miascovych

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?