Apošniaja spravazdača Deloitte Property Index 2023 pakazvaje, što najmieniej dastupnaj jeŭrapiejskaj krainaj z punktu hledžańnia koštu nabyćcia ŭłasnaha žylla źjaŭlajecca Słavakija. Na nabyćcio kvatery ŭ 70 kv. m słavaku nieabchodna 14,1 hadavoj zarpłaty bruta (da vyličeńnia padatkaŭ). Čechi pa hetym pakazčyku zajmajuć druhoje miesca. Jany pavinny adkłaści kala 13,3 hadavoha zarobku bruta, a sierby — 11,8.

U Niderłandach, Partuhalii, Vialikabrytanii, Hrecyi, Rumynii i Italii suma, nieabchodnaja dla nabyćcia takoj kvatery, ekvivalentnaja 6-8 hadavym zarobkam bruta, a ŭ Słavienii i Danii — ad 5 da 6.

Lepš za ŭsio situacyja vyhladaje ŭ Narviehii i Bielhii. Narviežcu nieabchodna adkładvać prykładna 4,7 svaich hadavych zarobkaŭ da vyliku padatkaŭ, a bielhijcam tolki 4,3.

Raźmier hodovoj brutto-zarpłaty pri pokupkie kvartiry płoŝad́ju 70 kvadratnych mietrov Kolkaść hadavoj zarpłaty bruta dla kupli kvatery płoščaj 70 kv Multiple of annual gross salaries to purchase o 70 sqm dwelling

My dadali da hetych źviestak danyja pa Biełarusi za treci kvartał 2023 hoda.

Pa źviestkach Biełstata, košt kvadratnaha mietra žylla ŭ Biełarusi ŭ trecim kvartale 2023 hoda skłaŭ 2873 rubli, što pa kursie na 1 kastryčnika raŭniałasia 829 jeŭra.

Takim čynam, na kvateru ŭ 70 kvadrataŭ pry siarednim zarobku 560 jeŭra siaredniestatystyčnamu biełarusu treba źbirać 8,6 hoda.

Padobnaja situacyja i ŭ stalicy. Minčanin sa svaim «brudnym» siarednim zarobkam 751 jeŭra i siarednim košcie kvadratnaha mietra ŭ stalicy 4029 rubloŭ (1163 jeŭra) pavinien źbirać na kvateru 9 hadoŭ.

Takim čynam biełarusy znachodziacca ŭ padobnym stanoviščy z charvatami (9 hadoŭ), baśnijcami (8,2) i palakami (8,1).

Kali hladzieć na košt kvadratnaha mietra, to tut Biełaruś z 829 jeŭra za kvadrat pa-za ŭsiakaj kankurencyjaj. A voś ź inšych krain samaja nizkaja cana kvadratnaha mietra ŭ 2022 hodzie — 1237 jeŭra za kvadrat — była ŭ Bośnii i Hiercahavinie. Nastupnyja miescy zaniali Hrecyja (1330 jeŭra), Rumynija (1417 jeŭra), Partuhalija (1723 jeŭra), Sierbija (1785 jeŭra) i Słavienija z vynikam 1927 jeŭra za kvadratny mietr.

The cost of a square meter of housing in European euros Stoimosť kvadratnoho mietra žilja v jevropiejskich jevro Košt kvadratnaha mietru žylla ŭ krianach Jeŭropy

Siaredni košt kvadrathaha mietra žylla ŭ krainach Jeŭropy. Krynica: Deloitte Property Index 2023

Samyja darahija kvatery ŭ 2022 hodzie byli ŭ Aŭstryi (4925 jeŭra / kv. m) i Hiermanii (4800 jeŭra / kv. m). Nie našmat adstali Francyja (4639 jeŭra / kv. m) i Narviehija, dzie za kvadratny mietr davodziłasia płacić 4204 jeŭra.

Čytajcie jašče:

Ceny rastuć, novyja kvatery ŭ «Minsk Śviecie» praktyčna razabrali. Što adbyvajecca na rynku nieruchomaści

Jak za 10 hadoŭ źmianilisia ceny na nieruchomaść u Minsku: paraŭnoŭvajem, što pryniesła najbolšuju vyhadu

«Kvatery kaštavali ad 4 tysiač jeŭra». Minčuki kupili žyllo ŭ stohadovym domie la Bałtyjskaha mora i pakazali, jaki zrabili ramont

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?