Pałac Jeŭropy ŭ Strasbury. Fota: Wikimedia Commons
Pra heta paviedamlaje vydańnie «Pozirk».
Jak paviedamiła daradca Śviatłany Cichanoŭskaj pa moładzievaj palitycy i spravach studentaŭ Marharyta Vorychava, zapłanavanyja mierapryjemstvy «achoplivajuć roznyja haliny».
«U sukupnaści jany nakiravanyja na pašyreńnie pravoŭ i mahčymaściaŭ biełaruskaj hramadzianskaj supolnaści, jurystaŭ, žurnalistaŭ i moładzi šlacham pradastaŭleńnia viedaŭ, navykaŭ i padtrymki pry prapahandzie pravoŭ čałavieka, demakratyčnych kaštoŭnaściaŭ i reformaŭ kiravańnia ŭ Biełarusi», — adznačyła daradca Cichanoŭskaj.
Usiaho, pavodle jaje słoŭ, u płanie piać raździełaŭ i 11 punktaŭ.
Vorychava padkreśliła, što płan «aktyŭnaściaŭ» kantaktnaj hrupy najbližejšymi tydniami budzie dapracoŭvacca. Jaho zaćviardžeńnie čakajecca nie paźniej za 24 studzienia.
Kantaktnaja hrupa Rady Jeŭropy pa Biełarusi dziejničaje ź listapada 2022 hoda. Ź biełaruskaha boku tudy ŭvachodziać pradstaŭniki demakratyčnych sił i hramadzianskaj supolnaści.
U kastryčniku hetaha hoda Rada Jeŭropy dała demakratyčnym siłam asobny ofis u svaim budynku ŭ Strasbury.
Čytajcie taksama:
«Ad čakańnia i hatoŭnaści lahčej nie stanovicca». Daradca Cichanoŭskaj — pra zatrymańnie maci
Biełaruś prypyniła dziejańnie Jeŭrapiejskaj kulturnaj kanviencyi