Sustreča Alaksandra Łukašenki i Si Czińpina ŭ sakaviku 2023 hoda
U Piekinie adbuducca pieramovy Łukašenki sa staršynioj KNR Si Czińpinam. Pavodle pres-słužby, abmiarkoŭvać buduć pytańni handlova-ekanamičnaha, inviestycyjnaha i mižnarodnaha supracoŭnictva. Taksama ŭ prahramie — «šerah mierapryjemstvaŭ sacyjalna-humanitarnaha kirunku».
Łukašenka i Si praviali ahułam 13 sustreč — u asnoŭnym padčas vizitaŭ u Kitaj i na palach Šanchajskaj arhanizacyi supracoŭnictva (ŠAS). U 2015 hodzie Si Czińpin pryjazdžaŭ ź vizitam u Minsk.
Na sustrečy ŭ vieraśni 2022 hoda na samicie ŠAS u Samarkandzie, Biełaruś i Kitaj padvysili ŭzrovień dvuchbakovych adnosin da statusu ŭsiepahodnaha i ŭsiebakovaha stratehičnaha partniorstva (dla paraŭnańnia: adnosiny Kitaja z Rasijaj majuć status usioabdymnaha partniorstva i stratehičnaha ŭzajemadziejańnia).
U kastryčniku 2023 hoda Łukašenka nie palacieŭ u Piekin na forum «Adzin pojas — adzin šlach». Jaho, imavierna, nie zaprasili. Aficyjna heta nie kamientavałasia.
