Fota z sacsietak
Tradycyjna adnym ź pieršych u krainie pracu pačaŭ harnałyžny kurort u Łahojsku. Pakul dla adpačyvalnikaŭ adkrytyja dźvie trasy: čaćviortaja i navučalny schił. Što tyčycca cenaŭ, to poŭny kamplekt dla katańnia darosłamu abydziecca ŭ 25 rubloŭ u budni i da 30 rubloŭ u vychodnyja. Dadatkova možna arandavać šlem abo masku.
U staličnym centry «Soniečnaja dalina» ŭ mikrarajonie Kurasoŭščyna pracuje tolki atrakcyjon «Alpijskija horki» i navučalny schił. Kali śniehu stanie bolš, adkryjucca i inšyja łakacyi. Tut arenda łyžaŭ u budni abydziecca ŭ 27 rubloŭ. U vychadnyja cana padymajecca da 41 rubla.
Darečy, niedaloka adsiul možna «lehalna» pakatacca na ciubinhu. A ŭsiaho ŭ Minsku vyznačana niekalki dziasiatkaŭ takich placovak.
Śpiecyjalisty nahadvajuć, što schił u takim vypadku nie pavinien pieravyšać uchił u 20 hradusaŭ, a na spusku nie pavinna być dreŭ ci inšych abjektaŭ, jakija mohuć pryvieści da traŭmaŭ.
U Minsku pracuje i łyžnaja trasa ŭ mikrarajonie Viaśnianka. Ciapier jaje daŭžynia składaje 1 kiłamietr, ale pastupova praciahłaść budzie pavialičvacca. Tut ža raźmieščany punkt prakatu nieabchodnaha abstalavańnia.
Pieršych haściej užo pryniaŭ i spartyŭny kompleks «Raŭbičy», pakul jašče na łyžnaj trasie daŭžynioj 1,8 kiłamietra. Padabrać nieabchodnuju ekipiroŭku možna na miescy. Z ulikam arendy łyž hadzina katańnia abyjdziecca ad 10 da 12 rubloŭ. Dziciačy kamplekt budzie kaštavać 7 rubloŭ.
U Mazyry da katańniaŭ rychtujuć trasu miascovaj harnałyžnaj bazy. Nazvać datu jaje adkryćcia ŭ administracyi skazać pakul nie zmahli:
«Aryjentujemsia na ŭmovy nadvorja i doŭhaterminovy prahnoz. Bałazie ŭ najbližejšy čas prahnazujecca ŭstojlivy minus i śnieh, tamu, chutčej za ŭsio, siezon katańniaŭ adkryjem najbližejšym časam».
U Mazyry možna pakatacca na łyžach, snaŭbordzie i inšych prystasavańniach. Jość tut i svoj punkt arendy zimovaha abmundziravańnia. Aktualnyja ceny źjaviacca na aficyjnaj staroncy harnałyžnaj bazy bližej da jaje adkryćcia.
Rychtujuć śniežnyja schiły da prychodu amataraŭ ekstrymu i kala Hrodna. Jak raskazali ŭ parku aktyŭnaha adpačynku «Karobčycki Alimp», tam stvarajuć prydatnaje dla katańnia pokryva čatyry śniehavyja harmaty:
«Heta nie samy chutki praces, adnak robim usio, kab pryniać haściej jak maha chutčej. Pa našych raźlikach, užo praź niekalki dzion. Z radaściu čakajem adkryćcia siezona».
Što tyčycca papularnych «Siličaŭ», to kompleks užo pačaŭ pracu. Z 1 śniežnia hości atrymali dostup da tras pad numarami 1, 3, 6. Dla niavopytnych amataraŭ zimovaha adpačynku zapracuje navučalny schił.
Rychtujucca da novaha siezona i ŭ Mahilovie, u pryvatnaści ŭ azdaraŭlenča-zabaŭlalnym kompleksie «Piačersk». Tut možna pakatacca jak na zvyčajnych łyžach, tak i na snaŭbordzie, ciubinhach i śniehachodzie.
«Pakul pra dakładny čas adkryćcia skazać składana praz umovy nadvorja. Tym nie mienš, na ŭsiu moc rychtujem naš schił i trasy. Budzie pracavać i punkt prakatu, dzie adpačyvalniki zmohuć uziać nieabchodnuju ekipiroŭku», — raskazali ŭ pryjomnaj kompleksu.
Akramia taho, płanujecca arhanizavać trasy na terytoryi Bresckaha viaślarnaha kanała, a taksama ŭ ahraharadku Ruba kala Viciebska.
Uzimku taksama adkryvajucca katki, pryčym nie tolki stacyjanarnyja, ale i na adkrytych placoŭkach. Ich, jak praviła, arhanizujuć na školnych lohkaatletyčnych stadyjonach albo ŭ chakiejnych karobkach kala ŭstanoŭ adukacyi. Adrasy možna znajści na sajtach miascovych administracyj.
Čytajcie taksama:
Hałoŭnaja hierainia tekstu pra adpačynak rasijanak u Minsku pryjšła ŭ kamienty da «Našaj Nivy»
Ad 205 da 1500 rubloŭ: varyjanty sustreć Novy hod u «histaryčnym styli»
Jak samastojna spłanavać avijapadarožža i nie prahadać? Biełarusy padzialilisia łajfchakami
