«Tarpieda-BiełAZ» — bronzavy pryzior čempijanatu Biełarusi pa futbole. Fota: football.by

«Tarpieda-BiełAZ» — bronzavy pryzior čempijanatu Biełarusi pa futbole. Fota: football.by

A taksama spadziavacca na asiečki žodzinskaha «Tarpieda», u jakoha pierad apošnim turam było na dva bały bolej, i «Isłačy», što mieła roŭnuju kolkaść ačkoŭ z barysaŭskim kłubam.

I žodzinskaje «Tarpieda», i «Isłač» svaje matčy prajhrali: žodzincy sastupili čempijonu krainy minskamu «Dynama» — 0:1, a «Isłač» — «Minsku» — 1:2.

Ale i BATE prajhraŭ, pryčym razhromna. Eks-fłahman biełaruskaha futboła paciarpieŭ u Salihorsku parazu ad «Šachciora» ź likam 0:3.

Takim čynam žodzinskaje «Tarpieda» zavajavała bronzavyja miedali čempijanatu, «Isłač» — čaćviertaja, BATE tolki piaty.

Inšyja vyniki: Dynama Brest — Biełšyna — 3:2, Enierhietyk-BDU — Słavija — 3:1, Homiel — Słuck — 4:5, Nioman — Naftan — 6:1.

Vynikovaje stanovišča: Dynama Minsk — 69, Nioman — 62, Tarpieda-BiełAZ — 49, Isłač — 47, BATE — 47, Homiel — 41, Słavija — 40, Słuck — 35, Minsk — 33, Dynama Brest — 30, Smarhoń — 24, Naftan — 23, Šachcior — 9, Enierhietyk-BDU — 4, Biełšyna — 3.

Najlepšym bambardziram čempijanatu-2023 staŭ forvard minskaha «Dynama» Uładzisłaŭ Marozaŭ z 16 hałami.

BATE ŭpieršyniu z 2005 hoda zastaŭsia bieź miedaloŭ.

Kłub vyjšaŭ u vyšejšuju lihu ŭ 1998 hodzie i da 2004 hoda stabilna braŭ miedali, u tym liku dvojčy stanaviŭsia čempijonam (1999, 2002). U 2005 hodzie BATE finišavaŭ na piatym miescy, a potym z 2006 pa 2018 hod vyjhravaŭ čempijanat Biełarusi. 

Vyšejšuju lihu pakidaje «Biełšyna», a «Enierhietyk-BDU» zhulaje ŭ stykavych matčach z «Viciebskam».

Nahadajem, što ŭviesnu z «Šachciora» za damoŭnyja matčy źniali 35 bałaŭ, z «Enierhietyka» 23 bały, z «Biełšyny» — 11.

Čytajcie taksama:

Hałkipier «Hamburha» zabiŭ śmiešny miač u svaje varoty ŭ matčy z «Sankt-Paŭli»

U anhlijskim Birminhiemie polskija fanaty dali čadu palicyi

Pamiž Vjetnamam i Trynidadam. Zbornaja Biełarusi zaviaršyła hod na 95-m miescy ŭ rejtynhu FIFA

Upieršyniu ŭ historyi futbolnaj Lihi čempijonaŭ na trenierskaj łaŭcy źjaviłasia žančyna

Suprać Kryšcijanu Ranałdu padali pazoŭ na $1 miljard

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?