Vika Cyhanova z mužam. Skryn videa z telehram-kanała śpiavački
Čatyry miesiacy tamu śpiavačka Vika Cyhanova, jakaja padtrymlivaje vajnu va Ukrainie, padaryła svaju pieśniu BiełAZu — na 75-hodździe pradpryjemstva.
24 listapada jana prezientavała premjeru pieśni, pryśviečanuju ŭdzielnikam vajny. Jak zaŭvažyŭ rasijski žurnalist Dźmitryj Kolezieŭ, heta taja ž pieśnia dla BiełAZa. Navat nazvu «Žaleza» śpiavačka pakinuła. Pamianiała tolki piać słoŭ i adzin radok.
Naprykład, zamiest «boŕba i pobieda» śpiavaje «vojna i pobieda», słova «kaŕjer» zamianiła na «motor».
Nahadajem, niadaŭna śpiavačka i jaje muž-pradziusar paraj dali intervju papularnamu rasijskamu błohieru Juryju Dudziu, dzie padzialilisia svaimi kanśpirałahičnymi teoryjami. Naprykład, što jaŭrejaŭ buduć pierasialać u Bachmut i ŭsio idzie pa płanie Dalesa (jakoha nikoli nie isnavała). Paźniej śpiavačka zajaviła, što toje skandalnaje intervju Dudziu zrabiła niejrasietka.
Čytajcie taksama: