Vyjava: vecteezy
Zadoŭha da taho, jak Vašynhton zabaraniŭ ekspart vysokapradukcyjnych hrafičnych pracesaraŭ Nvidia ŭ Kitaj, najbujniejšyja technałahičnyja vytvorcy Padniabiesnaj nazapašvali ich u čakańni dalejšaj eskałacyi.
Baidu, adna ź firmaŭ, jakija stvarajuć kitajskija anałahi OpenAI, zabiaśpiečyła dastatkovuju kolkaść ŠI-čypaŭ, kab praciahvać navučańnie svajho ekvivalenta ChatGPT pad nazvaj Ernie Bot jašče «nastupnyja hod ci dva», paviedalaje TechCrunch.
Kiraŭnik Baidu zajaviŭ, što ichnich zapasaŭ čypaŭ i inšych alternatyŭ budzie dastatkova dla padtrymki mnostva ŭłasnych prahram ŠI, ale ŭ doŭhaterminovaj pierśpiektyvie ciažkaści z nabyćciom samych pieradavych čypaŭ niepaźbiežna adabjucca na tempach raźvićcia štučnaha intelektu ŭ Kitai. Tamu kampanija aktyŭna šukaje alternatyvy.
Inšyja kitajskija technałahičnyja hihanty taksama prymajuć aktyŭnyja miery ŭ adkaz na ekspartny kantrol ZŠA. Takija firmy jak Baidu, ByteDance, Tencent i Alibaba zrabili zakazy na sumu 1 miljard dalaraŭ na nabyćcio kala 100 000 pracesaraŭ A800 ad amierykanskaha vytvorcy Nvidia, jakija pavinny byli być pastaŭleny ŭ hetym hodzie, raspaviadała Financial Times u žniŭni. Dadatkova kitajskija kampanii nabyli hrafičnyja pracesary na sumu 4 miljardy dalaraŭ, jakija pavinny być pastaŭleny ŭ 2024 hodzie, paviedamlali dva čałavieki, blizkija da Nvidia.
A800 — heta asłablenaja viersija najnoŭšaha hrafičnaha pracesara Nvidia A100 dla centraŭ apracoŭki danych. Z-za ekspartnych abmiežavańniaŭ, uviedzienych Vašynhtonam u minułym hodzie ŭ sprobie zadušyć technałahičnyja ambicyi Piekina, kitajskija technałahičnyja kampanii mohuć kuplać tolki A800, jakija majuć mienšuju chutkaść pieradačy danych u paraŭnańni z A100.
Značnyja avansavyja inviestycyi ŭtrymlivajuć mnohija startapy ad udziełu ŭ honcy pa raźvićci vialikich moŭnych madelaŭ. Ale zdarajucca i vyklučeńni, kali maładomu biznesu ŭdajecca chutka pryciahnuć vialikija hrošy. Naprykład, startap «01.AI», jaki byŭ zasnavany tolki ŭ kancy sakavika, nabyŭ značnuju kolkaść vysokapradukcyjnych čypaŭ, dziakujučy adnamu ź viadomych kitajskich inviestaraŭ.
Baidu sa svaim reziervam hrafičnych pracesaraŭ niadaŭna vypuściła Ernie Bot 4, jaki pa słovach samich pradstaŭnikoŭ kampanii «ni ŭ čym nie sastupaje GPT-4».
Tut treba razumieć, što rejtynh vialikich moŭnych madelaŭ (VMM) — sprava składanaja z-za nadzvyčajnaj składanaści hetych madelaŭ ŠI. Mnohija kitajskija firmy, jakija zajmajucca štučnym intelektam, pavyšajuć rejtynh šlacham starannaha vykanańnia kryteraŭ VVM, ale efiektyŭnaść hetych madelaŭ pry prymianieńni da realnych zadač i dadatkaŭ u realnym žyćci jašče pad pytańniem.
Mienšym hulcam na rynku ŠI, jakim nie chapaje hrašovych srodkaŭ dla nazapašvańnia čypaŭ, daviadziecca zadavolicca mienš mahutnymi pracesarami, jakija nie znachodziacca pad ekspartnym kantrolem ZŠA. Akramia taho, małyja kampanii mohuć čakać patencyjnych mahčymaściaŭ, kali niejki inviestar vyrašyć ich nabyć. Bujnyja inviestary ž čakajuć, što z-za sukupnaści faktaraŭ (deficytu pieradavych čypaŭ, vysokaha popytu na danyja i ŠI-ekśpiertaŭ, a taksama vielizarnych pieršapačatkovych inviestycyj) halina chutka piarojdzie ŭ «stadyju kansalidacyi», kali kankurenty pačnuć źlivacca adzin z adnym z metaj atrymańnia bolšaj častki rynku.
Čytajcie taksama:
Kitaj choča, kab štučny intelekt adlustroŭvaŭ asnoŭnyja kaštoŭnaści sacyjalizmu
Bajden nazvaŭ Si Czińpina dyktataram praź dzień paśla vizitu dziaržsakratara ŭ Piekin
