Hienieralny dyrektar karparacyi Apple i miljarder Cim Kuk. Fota: Evan Agostini / AP
Vydańnie Business Insider prahledzieła novaje intervju kiraŭnika Apple Cima Kuka, jakoje ładziłasia na płatformie BBC Sound. U im Cim Kuk raspavioŭ, kaho mienavita jon hatovy ŭziać da siabie na pracu i jakija jakaści jon bolš za ŭsio šanuje ŭ kandydatach.
Siarod takich jakaściaŭ — umieńnie supracoŭničać i pracavać u kamandzie.
«Heta nievierahodna, kali ŭsie maje supracoŭniki ličać, što 1+1=3, a nie 2. Tut pytańnie nie ŭ matematycy, a ŭ naradžeńni novaj idei. Vaša ideja plus maja – i atrymlivajecca ahulnaja treciaja. Heta lepš, čym kali b kožny zastavaŭsia pry svaim mierkavańni i nie dzialiŭsia», — razvažaŭ padčas intervju Cim Kuk.
Miljarder padkreśliŭ, što
jaho ŭ kandydatach vabić dapytlivy rozum, adsutnaść strachu zadavać pytańni, tvorčy padychod i idealistyčnaje žadańnie źmianić śviet.
Pry hetym «nieabaviazkova» mieć vyšejšuju adukacyju i navyki prahramavańnia.
«Apple najmaje ludziej z usich słajoŭ hramadstva, u tym liku i biez vyšejšaj adukacyi. U nas taksama pracujuć ludzi, jakija zajmajucca prahramavańniem redka, ci ŭvohule nie ŭmiejuć hetaha rabić. Hałoŭnaje, heta cikaŭnaść, śmiełaść, tvorčaść i žadańnie budučych supracoŭnikaŭ mianiać śviet, nie zadavalniajučysia tym, što i tak jość siońnia», — adznačyŭ kiraŭnik Apple.
Adnak vydańnie Business Insider źviartaje ŭvahu, što praces razhladu zajaŭki na pracu ŭ Apple «vielmi strohi». Zdarałasia tak, što niekatorym kandydatam davodziłasia byvać na 13 hutarkach, bo kampanija vielmi pilna adsočvaje i padbiraje tych, kaho źbirajecca dapuścić da svaich sakretaŭ i praduktaŭ.
Čytajcie taksama:
Mienš za 1000 jeŭra. Ceny na novy iPhone ŭ susiedziaŭ
«Ci nie kraŭ ja?» Jak ajcišniki prachodziać palihraf dziela pracy
Maja najhoršaja praca. Stavilisia, jak da śmiećcia, kožny tydzień žadali śmierci
Videakanfierencyi niehatyŭna adbivajucca na pracy mozha i serca, vočnyja zaniatki i sustrečy — nie
