Fota: instahram «Buślika»
26 kastryčnika polskaja kampanija CDRL, jakoj naležyć 90% u biełaruskim TAA «DPM» i jakaja kiruje kramami pad brendam «Buślik», vypuściła spravazdaču. Tam siarod inšaha paviedamlałasia, što Alfa-Bank daŭ TAA «DPM» 10 sutak na pahašeńnie valutnaha kredytu 3,95 miljona dalaraŭ z pravam zabrać majomaść kampanii ŭ zalik doŭhu.
Takim čynam bank sprabavaŭ harantavać sabie pieršaje miesca ŭ čarzie kredytoraŭ, uhledzieŭšy prykmiety niepłaciežazdolnaści «Buślika»: padzieńnie vyručki ad anłajn-handlu na 44,5%, a taksama padzieńnie vyručki na 18% u afłajn-handli suprać pakazčykaŭ na hod raniej.
Palaki kanstatavali, što na fonie ekanamičnaj palityki biełaruskich uładaŭ i niavyhadnych kursavych roźnic im zastajecca śpisać debitorskija zapazyčanaści i košt akcyj svajoj daččynaj kampanii ŭ straty.
Prajšoŭ miesiac, «Buślik» jašče žyvy. Što adbyvajecca z kampanijaj?
Pa infarmacyi «Našaj Nivy», Alfa-Bank daŭ TAA «DPM» adterminoŭku 4 miesiacy. «Buślik» jašče trochu praciahnie. Ale ź niuansami i raźlikam na cud.
Kampanija napałovu skaračaje svaje płoščy ŭ Biełarusi — pad nož iduć stratnyja ci najmienš prybytkovyja kramy razam ź piersanałam u sprobie skaracić svaje apieracyjnyja vydatki.
Dahetul u «Buślika» było 40 kram pa ŭsioj krainie. Zaraz dobra kali zastaniecca 20, kažuć krynicy, znajomyja ź situacyjaj.
Asnoŭnyja prablemy kampanii, pa słovach byłych supracoŭnikaŭ «Buślika», jakija pahavaryli z «Našaj Nivaj», pačalisia hod tamu — paśla pryniaćcia sumnaviadomaha Ukaza №713 ab abmiežavańni nacenak na tavary.
Zapasu tryvałaści «Buśliku» chapiła, kab praciahnuć hod.
«Kali palaki kuplali «Buślik» u 2018-m, jany kuplali lidara rynku, u jaki da ich inviestavaŭ JEBRR (Jeŭrapiejski bank rekanstrukcyi i raźvićcia). Usio išło dobra, ale niadoŭha: abvał rubla, vajna, 713-ty ŭkaz.
Kali CDRL jašče niejak pahadziłasia zastacca ŭ Biełarusi paśla pačatku vajny, źmiryŭšysia i z reputacyjnymi ryzykami, i z padzieńniem prybytkaŭ na fonie kursavych roźnic, to 713-ty ŭkaz robić dalejšuju prysutnaść praktyčna niemetazhodnaj.
Ty nie možaš pradavać vyhadna. A nivielavać padzieńnie vyručki kolkaściu pradadzienaha taksama nie možaš, tamu što, kab pašyracca, patrebna inviestavać. A jaki durań budzie siońnia na ich miescy inviestavać u Biełaruś? Jany lepš u jašče adzin zavodzik u Polščy ŭkładucca, čym zasunuć hrošy ŭ Biełaruś», — skazaŭ nam były supracoŭnik «Buślika».
Surazmoŭcy źviartajuć uvahu, što, niahledziačy na časovuju palohku, kampanija znachodzicca, kažučy alpinisckaj terminałohijaj, u «zonie śmierci».
«Heta jak u harach, dzie jość vyšynia, paśla jakoj adaptacyja ŭžo niemahčymaja, i arhanizm u kožnym razie zahinie, ale kolki pratrymajecca — zaležyć ad resursu.
Siońnia mnohija biznesy ŭ «zonie śmierci», i na hadavinu pryniaćcia 713-ha ŭkaza my pachavali «Vostraŭ čyścini» i, voś, «Buślik». I mnohich jašče pachavajem, bo situacyja va ŭsich tych, chto farmiruje canu ŭ Biełarusi, adnolkavaja.
Jak ja razumieju, kiraŭnictva kampanii spadziajecca, što ichniaha resursu chopić dažyć da admieny ci, u niejkaj formie, źmieny 713-ha ŭkaza. I ŭdaŭka pasłabieje, iznoŭ pojduć hrošy».
«Na cud spadziajucca ŭsie, ale ŭsurjoz nichto jaho ŭ biznes-płany nie zakładaje», — kaža inšy surazmoŭca «Našaj Nivy».
Realnaść u tym, što sa śmierciu «Buślika» dla spažyŭca mała što źmienicca, prosta jaho miesca kančatkova zojmuć ruskija. Situacyju zaŭvažać tolki klerki, praź jakich prachodziać ličby padatkovych pastupleńniaŭ. Tamu što
«Dziciačy śviet» i «Vajłdbieryz», jakija pracujuć u toj ža nišy, farmirujuć i pakidajuć prybytki nie ŭ Biełarusi — u adroźnieńnie ad «Buślika». Z 713-m ukazam atrymlivajecca, što svaje pavymirajuć, a manapolija ŭ častcy rytejłu, jak minimum dziciačych tavaraŭ u Biełarusi, uźniknie ŭ ruskich», — dadaŭ naš surazmoŭca.
Apytany «Našaj Nivaj» supracoŭnik bankaŭskaha siektara patłumačyŭ roźnicu madelaŭ «Buślika» i asnoŭnych kankurentaŭ — rasijskaha «Dziciačaha śvietu» i «Vajłdbieryz».
«Treba razumieć uvieś łancužok. Rasijanie majuć mahčymaść farmiravać canu na svaich matčynych kampanijach u Rasii, dzie niama abmiežavańniaŭ, a potym pastaŭlać tavary svaim dočkam u Biełaruś, dzie pradajuć tavar užo z dazvolenaj nacenkaj. Treba razumieć, što jany zarablajuć nie na hetaj nacency, a na raźliku pamiž svaimi kampanijami.
A navat kali našy orhany voźmuć i zadumajucca, kamu jany tut rasčyščajuć darohu i jak tak atrymlivajecca, što ruskija rubiać babło ŭ abychod 713-ha ŭkaza, to vyjavicca reč jašče cikaviejšaja — što canu tyja sfarmiravali i pakinuli jašče na svaich prakładkach u Kitai, ź jakich adhružajuć sabie ŭ Rasiju, a potym u Biełaruś.
I nakolki prybytkovaj u ličbach budzie ich biełaruskaja dačka, pa sutnaści, ich chvaluje mienš za ŭsio.
Ale farmalna ŭsio vyhladaje kłasna: i «Dziciačy śviet», i «Vajłdbieryz» — uzornyja vykanaŭcy ŭkazaŭ Saŭmina, i abivać hanki administracyj, pisać listy, prasić pamianiać zakanadaŭstva, jak ciapier heta robić Misiačenka (Siarhiej Misiačenka — stvaralnik i kiraŭnik «Buślika», jakomu naležyć 10% akcyj. — NN) jany nie buduć», — skazaŭ nam adzin ź biełaruskich bankiraŭ.
Čamu b takimi ž schiemami nie zajmacca i «Buśliku»? Našy surazmoŭcy ličać, što heta nierealna.
«Nie ŭsio, što pradajecca ŭ «Buśliku», pradajuć palaki. Jany razhladali svaju biełaruskuju inviestycyju jak kanał prodažu ŭłasnaha brendu dziciačaha adzieńnia i abutku Coccodrillo. Ale «Buślik» pradaje nie tolki heta. Dobra, kali dola niepasredna polskich tavaraŭ u namienkłatury sietki siahała 15%. Ciapier pastaŭlać svaje tavary palaki ŭvohule admovilisia.
Inšyja tavary zakuplajucca ŭ inšych pastaŭščykoŭ, i pra hetyja ceny ŭ «Buślika» pytajucca orhany, bo ź jaje jany robiać nacenku», — kaža surazmoŭcy.
Na dumku byłoha supracoŭnika «Buślika», «u CDRL vialiki biznes. Čym stvarać mutnyja schiemy praz Rasiju i Kitaj, im praściej zabyć pra biełaruskuju historyju i śpisać jaje. Što jany i zrabili, ułasna».
Čamu Alfa-Bank pajšoŭ na sastupki «Buśliku» i što z hetaha atrymlivaje, nieviadoma.
Na momant vystaŭleńnia patrabavańnia 10-dzionnaha pahašeńnia kredytu ŭ minskich biznes-kołach mierkavali, što Alfa-Bank, karystajučysia terminalnaj stadyjaj klijenta, vyrašyŭ zhulać svaju hulniu i pierapradać «Dziciačamu śvietu» svajho daŭžnika daražej, nie dapuściŭšy pramoha vykupu rasijanami.
Kali vam važna toje, što robić «Naša Niva», padtrymajcie nas kapiejkaj praz Patreon pa spasyłcy nižej.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
Łukašenkaŭski «biznesmien udačy» Vierabiej trapiŭ u pryceł siłavych struktur
«Źniali ź jaho niasłaba». Bankructva pahražaje «Vostravu čyścini»
