Fota: skryn z youtube.com
Usio pačałosia 19 listapada z pasta Słavy Mazaja, adnaho z fatohrafaŭ: «Pryviet! Ja napisaŭ vielizarny materyjał pra toje, jak my rabili KUT. Tam 17 (!) nie vielmi vialikich častak. Napisaŭ ja jaho pa-rusku. Nam patrebnaja dapamoha ŭ pierakładzie hetaha materyjału na biełaruskuju movu i anhlijskuju movu. Patrebnyja vałanciory. Kali chtości maje relevantny dośvied i moža dapamahčy, pišycie!»
Karystalniki Ch aburylisia tvitam Mazaja. Ich ździviła toje, što kamanda padrychtavała jakasnaje vydańnie i pradaje jaho za vialikija hrošy, ale pry hetym žadaje aščadzić na pracy pierakładčykaŭ. Znajšłasia i karystalnica, jakaja sama zapłaciła za knihu bujnuju sumu:
«Chłopcy, ja nabyła ŭ vas knihu za 190 jeŭra (150 + dastaŭka da Partuhalii 40). I takich, jak ja, užo sotni. Jašče raz dziakuj za hetu pryhažość, ale moža ŭsie ž taki heta hodnyja hrošy, kab najmać dobrych śpiecyjalistaŭ i pa zasłuhach apłočvać ich pracu?»
Inšyja kamientatary prosta aburalisia tym, što fatohrafy šukajuć vałancioraŭ-pierakładčykaŭ:
«Knihi na biełaruskaj i anhielskaj budziecie biaspłatna razdavać?»
«Knihu pradajuć pa 150 jeŭra, a dla pierakładu šukajuć vałancioraŭ… Cudoŭny biznes… Naš prosta…»
«Vy tam *** dali pracavać na vas biaspłatna? Značyć i jakaść budzie takaja ž».
«Toj čas, kali reputacyju možna zhubić adnym pastom».
U kamientarach zaśviaciŭsia karystalnik z Rasii, jaki pradstaviŭsia supracoŭnikam pierakładčyckaha biuro. Pavodle jaho słoŭ, taki pierakład kaštavaŭ by nie bolš za paru tysiač rasijskich rubloŭ (niekalki dziasiatkaŭ jeŭra) za movu. I heta havorka pra 17 paŭnavartych staronak, a nie «nie vielmi vialikich častak», jak napisaŭ Słava.
Taksama karystalniki prapanoŭvali chłopcam źviarnucca da mašynnych pierakładčykaŭ abo žartavali pra toje, u jakich inšych śfierach možna šukać vałancioraŭ:
«Dobry vałancior tolki u Google translate. Za paru tałeraū moža vylazuć inšyja».
«Patrebnyja vałanciory dla pracy kurjerami, dastaŭki dranikaŭ, možna na svaim transparcie, viedańnie biełaruskaj i anhielskaj movy vitajucca».
«Patrebnyja pracadaŭcy-vałanciory dla pieravodu zarobka na kartku».
«Voś tut ja troški pad***ieŭ, kaniešnie, mda… Pradavać knihi za 150€ za ekziemplar i šukać VAŁANCIORAŬ dla pierakładu… Takoje adčuvańnie, što ŭ vas nie kniha sumnych fotak z dronaŭ dla nastalhujučych prahramistaŭ, a niejkaja važnaja sacyjalnaja inicyjatyva!»
«Patrebnyja vałanciory dla łajkańnia maich tvitoŭ na biełaruskaj i inšych movach. Kali chtości maje relevantny vopyt i moža dapamahčy, pišycie!»
Mima historyi z fotaknihaj za 150 jeŭra nie prajšoŭ i viadomy biełaruski fatohraf Siarhiej Hudzilin — jon namiaknuŭ na vydańni našmat bolš viadomych fatohrafaŭ, čym aŭtary «Kuta». A błohier Džypsinkoŭ vydatna ŭsio heta padsumavaŭ:
«Naša Niva» chacieła abmierkavać pošuk vałancioraŭ dla pierakładu z samim Słavam Mazajem, ale jon nie adkazaŭ na naša paviedamleńnie. Inšyja aŭtary knihi na momant publikacyi tekstu nam taksama nie adkazali.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Biełaruski fatohraf prylacieŭ u Isłandyju zdymać viasielle — a tam čakajuć vyviaržeńnia vułkana
Čaroŭny śviet biełaruskich pavukoŭ: takimi vy ich jašče nie bačyli FOTY
