Siabry abjadnańnia vyśvietlili, što ŭłady horadu nieadnarazova vystaŭlali na realizacyju dla dalejšaha znosu i novaha kapbudaŭnictva abjekty nieruchomaści, nadzielenyja statusam historyka-kulturnaj kaštoŭnaści.
Siabry abjadnańnia praanalizavali aŭkcyjony pa realizacyi nieruchomaj majomaści za apošnija miesiacy 2009 h. i pryjšli da vysnovy, što vykanaŭčyja i rasparadčyja orhany h. Bresta nieadnarazova vystaŭlali na realizacyju abjekty nieruchomaści, nadzielenyja statusam historyka-kulturnaj kaštoŭnaści dla ich dalejšaha znosu i novaha kapitalnaha budaŭnictva. A heta źjaŭlajecca hrubiejšym parušeńniem Zakona «Ab achovie historyka-kulturnaj spadčyny Respubliki Biełaruś» ad 9.01 2006 h.
Pad znos vystaŭlalisia na prodaž nastupnyja budynki i zbudavańni, jakija zhodna rašeńnia Biełaruskaj respublikanskaj navukova-mietadyčnaj rady pa pytańniach historyka-kulturnaj spadčyny pry Ministerstvie kultury ad 01.07.2009 h. atrymali status historyka-kulturnych kaštoŭnaściej:
1. Budynki 26; 28 pa vuł. Savieckich pahraničnikaŭ2. Budynak 23 pa vuł. Lenina
3. Budynak 12 pa vuł. Astroŭskaha
4. Budynki 48; 50; 56 pa praśpiekcie Mašerava
5. Budynak 36 pa vuł. 17 Vieraśnia
6. Budynak 39 pa vuł. Dziaržynskaha
7. Budynki 100; 102 pa vuł. Savieckaj
U suviazi z tym, što dadzienyja budynki pa ŭmovach aŭkcyjona padlahajuć znosu z dalejšym prajektavańniem i novym budaŭnictvam, praviadzieńnie takich aŭkcyjonaŭ parušaje artykuły 27; 28: 29; 36 Zakona «Ab achovie historyka-kulturnaj spadčyny Respubliki Biełaruś», Instrukcyju «Ab składzie, paradku raspracoŭki i ŭzhadnieńnia navukova-prajektnaj dakumientacyi na vykanańnie restaŭracyjna-adnaŭlenčych rabot na nieruchomych historyka-kulturnych kaštoŭnaściach», Instrukcyju «Ab składzie paradku raspracoŭki i zaćviardžeńnia prajektaŭ zon achovy nieruchomych historyka-kulturnych kaštoŭnaściej», zaćvierdžanych Pastanovaj Minkultury ad 21.05.2007 h. №21. Akramia taho, harvykankamam nie vykonvajucca pp. 1.2, 1.5, 2.3, 2.4 art. 10 Zakona «Ab achovie historyka-kulturnaj spadčyny».
«Vyklikaje niepakoj asabistaja pazicyja staršyni Bresckaha harvykankama A. Pałyšankova, ahučanaja ŭ artykule «Spadčyna z małatka?» u haziecie «Brescki kurjer» №51 ad 17 śniežnia 2009 h., jakaja ŭ poŭnaj miery raskryvaje ci to pravavy nihilizm kiraŭnika administracyi horada ŭ dačynieńni da vykanańnia pałažeńniaŭ Zakona «Ab achovie historyka-kulturnaj spadčyny», ci to pravavuju niepiśmiennaść i, adpaviedna, niežadańnie nakiroŭvać pracu harvykankama ŭ dačynieńni da historyka-kulturnych kaštoŭnaściej u pravavoje rečyšča, što stvaraje pieradumovy dla ździajśnieńnia złačynstvaŭ pa artykule 344 KK RB», — havorycca ŭ zvarocie.
U suviazi z vyšejaznačanym Biełaruskaje dobraachvotnaje tavarystva achovy pomnikaŭ historyi i kultury źviarnułasia ŭ Prakuraturu Bresckaj vobłaści i Ministerstva kultury z prośbaj razabracca ŭ situacyi i pryvieści pracu Bresckaha harvykankama z historyka-kulturnymi kaštoŭnaściami ŭ pravavoje rečyšča. Haziecie «Viačerni Brest» prapanavana apublikavać rašeńni navukova-mietadyčnaj rady pa pytańniach achovy historyka-kulturnaj spadčyny ab pieraliku abjektaŭ Histaryčnaha centra Bresta i ab asnoŭnych nakirunkach zachavańnia, uznaŭleńnia i pierśpiektyŭnaha vykarystańnia histaryčnaj spadčyny na terytoryi Bresckaj krepaści.
