Aŭtarynak u Malinaŭcy. Archiŭnaje fota Onliner.by
Ekanamičny sud Minskaj vobłaści zaviaršyŭ likvidacyjnuju vytvorčaść u dačynieńni da arhanizacyi. Takim čynam, jana bolš nie vałodaje aŭtamabilnym rynkam. Amal try hady tamu startavy košt kultavaj placoŭki składaŭ 43 958 550,31 rubla (pa ciapierašnich mierkach heta składaje 13,8 miljona dalaraŭ).
Pradpryjemstva ZAT «Handlovy śviet «Kalco» było pryznana bankrutam jašče ŭ 2018 hodzie. Što tyčycca aŭtarynka, jon źjaviŭsia ŭ Malinaŭcy za MKAD u dalokim 1994-m. Ludzi pryjazdžali pa mašyny z dalokich krajoŭ. Niedaloka ad miesca kupli/prodažu aŭtamabilaŭ zatym adkryŭsia MRA DAI, źjaviŭsia i aŭtakinateatr. Da pačatku 2010-ch žyćcio na rynku kipieła.
Adnak z 2011 hoda ŭviali pavyšanuju razmytnioŭku dla mašyn z Zachadu, tamu pryvoz aŭto ź Jeŭropy pierastaŭ być aktualnym. Pryvatnyja pradaŭcy patrochu stali pierabiracca na profilnyja sajty — heta akazałasia zručniej, nie treba było dniami stajać la aŭtamabila na vydzielenaj placoŭcy. Voś tak patrochu rynak i puścieŭ, hublajučy svaju aktualnaść.
Čytajcie taksama:
«Aŭtabiznes» skončyŭsia. Što za vydańnie heta było
U MPZ nazvali marki mašyn, na jakija mohuć vyraści staŭki transpartnaha padatku
Na MKAD zrobiać novyja pierachodna-chutkasnyja pałosy. Navošta?
