Protaijerej Alaksandr Kazakievič słužyć ŭ pravasłaŭnym prychodzie ŭ hrodnienskim spalnym rajonie «Dzieviatoŭka», a taksama źjaŭlajecca duchoŭnym nastaŭnikam v/č 5522.
Bajpoł śćviardžaje, što baciuška danosiŭ na śviataroŭ, jakija vystupili z asudžeńniem hvałtu z boku siłavikoŭ. U pryvatnaści, na archijepiskapa Hrodzienskaha i Vaŭkavyskaha Arciemija, jaki «nastrojvaje svoj klir suprać dziejnaj ułady i adkryta asudžaŭ dziejańni pravaachoŭnych orhanaŭ».
Taksama zaznačajecca, što Kazakievič danios na arhanizataraŭ vykanańnia pieśni «Mahutny Boža» na prystupkach hałoŭnaha haradskoha chrama — Śviata-Pakroŭskaha kafiedralnaha sabora — na ŭładyku Arciemija, a taksama na protairejaŭ Andreja Javarca i Hieorhija Roja.
Bolš za toje, u svaich danosach Kazakievič zapeŭnivaŭ, što vyšejšyja sany Hrodzienskaj jeparchii, abapirajučysia na padtrymku nižejšych śviataroŭ, vynošvajuć namier padtrymać «kalarovuju» revalucyju ŭ Biełarusi.
Viadoma, što ŭ vyniku, žadajučy paźbiehnuć skandału, archijepiskapa Arciemija ŭ 2021 hodzie adpravili na spačyn. A protaijerej Hieorhij Roj byŭ źniaty z pasady nastajaciela kafiedralnaha sabora, a paźniej — paśla adkrytaha asudžeńnia poŭnamaštabnaj ahresii Rasii suprać Ukrainy — vymušany byŭ z-za pahroz jaho biaśpiecy pakinuć Radzimu.
A «ajciec Alaksandr» (Alaksandr Kazakievič) praciahvaje słužyć… Ale nie Bohu, a złačynnamu režymu.
