Najlepšymi spartoŭcami Biełarusi hetaha hoda stali vieślary, jakija zavajavali zołata na čempijanatach śvietu.
Łaŭreatami spartyŭnaha 2009 hoda, zhodna z tradycyjnaha apytańnia haziety «Sportivnaja panoram», nazvany Kaciaryna Karsten (akademičnaje viesłavańnie), a taksama ekipaž Raman Pietrušenka / Vadzim Machnieŭ (viesłavańnie na bajdarkach i kanoe).
Kaciaryna Karsten u sumie nabrała 1002 bały, a Raman Pietrušenka i Vadzim Machnieŭ atrymali 973 bały. Treciaje miesca zaniaŭ Uładzimir Samsonaŭ (nastolny tenis), na rachunku jakoha 589 bałaŭ.
U dziesiatku najlepšych uvajšli taksama Viktoryja Azaranka (tenis), Dzianis Haraža (viesłavańnie na bajdarkach i kanoe), Nastaśsia Novikava (ciažkaja atletyka), Darja Domračava (bijatłon), Mielacina Staniuta (mastackaja himnastyka), Siarhiej Šundzikaŭ (dziudo) i Michaił Hraboŭski (chakiej).
Najlepšaja niehulniavaja kamanda — zbornaja krainy pa viesłavańni na bajdarkach i kanoe, hulniavaja kamanda — BATE (Barysaŭ), najlepšy trenier — Uładzimir Šantarovič (viesłavańnie na bajdarkach i kanoe). Usiaho ŭdzielniki hałasavańnia zhadvali imiony 83 spartoŭcaŭ, što źjaŭlajecca rekordnym pakazčykam za ŭsie hady praviadzieńnia hetaha apytańnia.
Ciapierašniaje apytańnie, 51‑aje pa liku, pravodziłasia «Sportivnoj panoramoj» sumiesna z Nacyjanalnym alimpijskim kamitetam Biełarusi. U hałasavańni pryniali ŭdzieł 120 biełaruskich spartyŭnych žurnalistaŭ, u tym liku i «NN».
