U dzień naradžeńnia hałoŭnaha redaktara razhromlenaha ŭładami partała tut.by Maryny Zołatavaj, jakaja adbyvaje 12-hadovy termin źniavoleńnia i 6 listapada sustrenie tam 46‑y dzień naradžeńnia, mižnarodnaja arhanizacyja «Reparciory bieź miežaŭ» maje namier pieradać u biełaruskija ambasady ŭ niekalkich krainach listy i paštoŭki ŭ jaje padtrymku, piša «Pozirk».
Akcyja startavała 6 vieraśnia. Pasłańni na adras Zołatavaj źbirali adździaleńni «Reparcioraŭ bieź miežaŭ» u Hiermanii, Aŭstryi, Šviecyi, Šviejcaryi, Vialikabrytanii, ZŠA, na Tajvani, a taksama hałaŭny ofis u Paryžy.
«Ciapier jak nikoli važna mabilizavacca na padtrymku pradstaŭnikoŭ biełaruskich ŚMI, takich jak Maryna Zołatava», — zajaŭlaŭ u suviazi z pačatkam akcyi vykanaŭčy dyrektar niamieckaha adździaleńnia «Reparcioraŭ…» Kryścijan Mir.
Adździaleńnie zaklikała pryjści 6 listapada da biełaruskaj ambasady ŭ Bierlinie i zapatrabavać vyzvaleńnia Zołatavaj.
Maryna Zołatava i hiendyrektar Tut.by Ludmiła Čekina padčas vyniasieńnia prysudu. Fota: Tut.by
Maryna Zołatava była zatrymanaja 18 maja 2021 padčas pahromu Tut.by. U sakaviku 2023-ha pryhavorana da 12 hadoŭ pazbaŭleńnia voli pa abvinavačańni ŭ niavypłacie padatkaŭ, raspalvańni varožaści i pryčynieńni škody nacyjanalnaj biaśpiecy. U kastryčniku 2022 hoda ŭklučana ŭ pieralik asob, jakija majuć dačynieńnie da «terarystyčnaj dziejnaści», u žniŭni 2023 hoda — u pieralik asob, jakija majuć dačynieńnie da «ekstremisckaj dziejnaści». Pravaabarončaja supolnaść pryznała Zołatavu palitźniavolenaj.
U miescach pazbaŭleńnia voli najbolš viadomych palitviaźniaŭ niaredka abmiažoŭvajuć u listavańni. Pravaabaroncy vykazvajuć zakłapočanaść, što pra šmat jakich palitviaźniaŭ infarmacyi niama miesiacami.
V piatierku krupniejšich tiuriemŝikov žurnalistov v etom hodu vchodiat Iran, Kitaj, Mjanma, Turcija i Biełaruś sootvietstvienno.
...
V raznych stranach – ot Rośsii do Nikarahua i Afhanistana, niezavisimyje ŚMI byli uničtožieny, poskolku rieportiery biehut v izhnanije ili, zapuhannyje, pribiehajut k samocienzurie. I chotia stratiehii podavlenija v etich stranach raźličajutsia, słučai, zadokumientirovannyje v pieriepisi KZŽ, imiejut obŝuju čiertu oficialnoj žiestokosti i mstitielnosti."
Biełaruś na pieršym mieście ŭ hetym haniebnym śpisie. čamu? tamu što ŭ nas najbolšaja kolkaść źniavolenych žurnalistaŭ u suadnosinach da kolkaści nasielnictva