Entani Blinkien i Machmud Abas. Fota: Jonathan Ernst / Pool photo via AP
Kiraŭnik Dziarždepartamienta ZŠA Entani Blinkien u niadzielu, 5 listapada, niečakana znoŭ prybyŭ u Izrail, jaho samalot pryziamliŭsia ranicaj u Tel-Avivie.
Paźniej Blinkien adpraviŭsia ŭ Ramałach na Zachodnim bierazie raki Iardan, dzie sustreŭsia z kiraŭnikom Paleścinskaj nacyjanalnaj administracyi (PNA) Machmudam Abasam.
Heta pieršy jaho vizit na paleścinskija terytoryi paśla terarystyčnaha napadu CHAMAS na Izrail 7 kastryčnika. Adnym z pytańniaŭ sustrečy była budučynia siektara Haza paśla zakančeńnia vajny. Raniej Blinkien zajaviŭ, što siektar Haza pavinien budzie pierajści pad kantrol PNA, piša Deutsche Welle.
Čytajcie taksama:
Izrailskija vajskoŭcy: Z pačatku naziemnaj apieracyi ŭ Hazie źniščana 2500 celaŭ
CHAMAS zajaviŭ pra hatoŭnaść da kampramisu pa vyzvaleńni zakładnikaŭ
