Fota: Abed Khaled / AP
U ranišniaj zvodcy Armii abarony Izraila (CACHAŁ) havorycca, što z pačatku naziemnaj apieracyi suprać CHAMAS u siektary Haza naziemnyja, pavietranyja i vajenna-marskija siły nanieśli ŭdary pa «bolš jak 2500 terarystyčnym celach», piša Bi-bi-si.
Unačy izrailskija vojski nanieśli avijaŭdary pa vajskovym kompleksie CHAMAS, u jakim, pa ich słovach, znachodzilisia centry kiravańnia, naziralnyja punkty i dapamožnyja abjekty terarystyčnaj infrastruktury.
Izrailskija vojski «praciahvajuć źniščać terarystaŭ», uklučajučy blizki boj, havorycca ŭ paviedamleńni.
Ministerstva achovy zdaroŭja Hazy, padkantrolnaje CHAMAS, śćviardžaje, što bolš za 30 paleścincaŭ zahinuli hetaj nočču ŭ vyniku izrailskaha avijaŭdaru pa łahiery biežancaŭ. Izrail zajaviŭ, što rasśleduje, ci dziejničali jaho siły ŭ hetym rajonie ŭ toj čas.
Čytajcie taksama:
CHAMAS zajaviŭ pra hatoŭnaść da kampramisu pa vyzvaleńni zakładnikaŭ
Armija abarony Izraila vyzvaliła 19-hadovuju zakładnicu, uziatuju ŭ pałon bajevikami CHAMAS
Izrailskija zakładniki CHAMAS: najhoršy kašmar dla luboha ŭrada
