Na vialikija vychadnyja ŭ Jeŭropu. Pahladzieli, što z čerhami na miažy 5

Ilustracyjny zdymak. Fota: DPK Biełarusi

Ź viečara piatnicy va ŭsich aŭtadarožnych punktach propusku dla ruchu lehkavoha transpartu nazirajucca istotnyja čerhi.

Najbolšyja ŭčora byli zafiksavanyja na miažy z Polščaj u punkcie propusku «Brest». Tam ciaham učorašniaha dnia zajezdu na terminał čakali bolš za try sotni lehkavikoŭ. Na litoŭskim kirunku najbolšyja čerhi byli ŭ «Katłoŭcy», tam vyjezdu ź Biełarusi čakała bolš za 140 aŭto.

Fota: skrynšot z sajta gpk.gov.by, kałaž «Naša Niva»

Z nadychodam suboty čerhi zastalisia va ŭsich punktach propusku. Pa stanie na 14 hadzin, na adzinym pierachodzie z Łatvijaj, jaki pracuje, sabrałasia bolš za 50 mašyn.

Na miažy ź Litvoj samaja vialikaja čarha na «Pryvałcy» — bolš za 130 lehkavikoŭ. U «Bieniakoniach» bolš za 100. Bolš za 80 u «Katłoŭcy» i 50 u «Kamiennym Łohu».

Čarha ŭ Polšču źmienšyłasia ŭ paraŭnańni ź piatnicaj. Pa stanie na 14 hadzin, zajezdu na terminał u «Breście» čakajuć bolš za 110 lehkavikoŭ.

Tym nie mienš, heta ŭsio čerhi na hadziny i hadziny čakańnia.

1

1

5

3

3

10

Nashaniva.com