Biełaruski muzyka Jaŭhien Baryšnikaŭ prezientavaŭ na Dziady kancertnuju viersiju svajoj adnajmiennaj pieśni z arkiestram.
Akustyčnaja hitara hučyć u supravadžeńni sempliravanaha arkiestra sa strunnych, duchavych i navat pierkusii, ale pry hetym biez zapisanych zahadzia partyj, usio hrajecca vyklučna ŭžyvuju adnym čałaviekam.
Sama pieśnia napisanaja jašče ŭ 2008 i daŭno stała adnoj ź vizitovak vykanaŭcy, a ciapier u vyniku ekśpierymientaŭ z MIDI-abstalavańniem atrymała abnoŭlenaje kancertnaje hučańnie.
Tvor aŭtar pryśviaciŭ svaim dziedu i babuli.
Jaŭhien Baryšnikaŭ — muzyka, televiadoŭca, daśledčyk biełaruskaj dudarskaj tradycyi, marski škipier, lektar, łaŭreat hran-pry fiestyvalu «Bardaŭskaja vosień 2010». Paŭhoda poŭnamaštabnaj vajny žyŭ i vałancioryŭ va Ukrainie, ciapier žyvie ŭ Polščy.
