Fota: Biełdziaržcharčpram
Pachod pa zavodzie achopić praktyčna ŭsie etapy vytvorčaści. Hrupa naviedaje vino materyjalny cech i adździeł šampanizacyi. Ubačyć možna i praces raźlivu i afarmleńnia hatovaha praduktu, piša Tochka.by.
U hety čas ekskursavod raskaža pra pracesy adborki vinahrada i fiermientacyi. Arhanizatary paabiacali raskryć sakret, «jak dadajecca taja tajamničaja iskra, jakaja robić pienistaje vino pa-sapraŭdnamu niepaŭtornym».
Fota: Biełdziaržcharčpram
Samy cikavy etap — dehustacyja — projdzie adrazu paśla ekskursii. Hrupie prapanujuć pasprabavać siem vidaŭ pradukcyi zavoda pa 30 mł.
Jak patrapić
Zavod prapanuje dva vidy ekskursij. Varyjant biez dehustacyi zojmie paŭtary hadziny i abydziecca ŭ 20 rubloŭ. Paŭnavartasnaje naviedvańnie na dźvie hadziny kaštuje 35 rubloŭ.
Pradpryjemstva budzie pravodzić dźvie hrupy (ad piaci da 15 čałaviek) za tydzień — pa čaćviarhach i piatnicach u 14:00.
Braniravańnie prachodzić tolki pa telefonie. Apłacić treba za dva dni da ekskursii.
Zavod vypuskaje samyja papularnyja marki pienistaha ŭ Biełarusi. Heta kłasičnyja «Savieckaje šampanskaje» i jaho varyjacyi, a taksama brut «Pino Nuar». Prezientavana i šyrokaja liniejka vina. U ich liku «Arta Vinia», «Old Batur» i « Kahor». Taksama vypuskajucca i vinnyja kaktejli pad brendami «Mix Belly» i «Alco milk».
Čytajcie taksama:
Zapuścili aŭdyjaekskursii pa biełaruskich haradach. Pieršaja — pa zahadkavym minskim rajonie
Mikaševicki «Hranit» adkryvaje ekskursii na svoj hłyboki karjer
