Ilustracyjnaje fota: Naša Niva
Jak paviedamlajecca na sajcie Ženieŭskaha ŭniviersiteta, kamanda navukoŭcaŭ hetaj ustanovy ŭ supracoŭnictvie sa Šviejcarskim instytutam tropikaŭ i hłabalnaha zdaroŭja apublikavała vyniki bujnoha pierakryžavanaha daśledavańnia ŭpłyvu elektramahnitnaha vypramieńvańnia mabilnych telefonaŭ na jakaść śpiermy.
Jakaść śpiermy vyznačajecca acenkaj takich paramietraŭ, jak kancentracyja śpiermatazoidaŭ, ich ahulnaja kolkaść, ruchomaść i marfałohija.
Pavodle značeńniaŭ, ustanoŭlenych Suśvietnaj arhanizacyjaj achovy zdaroŭja, čałavieku, chutčej za ŭsio, spatrebicca bolš za adzin hod, kab začać dzicia, kali ŭ jaho kancentracyja śpiermatazoidaŭ nižejšaja za 15 miljonaŭ na mililitr. Akramia taho, pracentnaja imaviernaść ciažarnaści pamienšaje, kali kancentracyja śpiermatazoidaŭ budzie nižejšaj za 40 miljonaŭ na mililitr.
Šmat jakija daśledavańni pakazali, što za apošnija 50 hadoŭ siaredniaja kancentracyja śpiermatazoidaŭ na mililitr śpiermy skaraciłasia bolš čym u dva razy — z 99 da 47 miljonaŭ. Ličycca, što hetaja źjava abumoŭlenaja spałučeńniem šerahaŭ takich faktaraŭ, jak jakaść navakolnaha asiarodździa (piestycydy, radyjacyja, endakrynnyja razburalniki), ład žyćcia (dyjeta, ałkahol, stres, kureńnie) i bolšaje vyžyvańnie słabych i chvorych dziaciej.
Šviejcarskija vučonyja vyvučyli suviaź pamiž jakaściu śpiermy 2886 mužčyn va ŭzroście ad 18 da 22 hadoŭ i ich štodzionnymi zvyčkami vykarystańnia telefona. Usie mužčyny apytvalisia ŭ šaści vajskovych pryzyŭnych centrach.
Mužčyny zapaŭniali padrabiazny apytalnik, jaki tyčycca ich ładu žyćcia, ahulnaha stanu zdaroŭja i, bolš kankretna, častaści vykarystańnia svajho telefona, a taksama dzie jany jaho trymali, kali nie karystalisia im.
Atrymanyja danyja, apublikavanyja ŭ časopisie Fertility & Sterility, demanstrujuć suviaź pamiž častaściu karystańnia mabilnym telefonam i kancentracyjaj śpiermatazoidaŭ.
Tak siaredniaja kancentracyja śpiermatazoidaŭ była na 21% vyšejšaja ŭ hrupie mužčyn, jakija nie karystalisia svaim telefonam bolš za adzin raz na tydzień (56,5 młn/mł), u paraŭnańni z mužčynami, jakija vykarystoŭvali svoj telefon bolš za 20 razoŭ na dzień (44,5 młn/mł).
Daśledavańnie vyjaviła jašče adnu cikavuju zakanamiernaść.
Suviaź pamiž vykarystańniem mabilnaha telefona i kancentracyjaj śpiermatazoidaŭ była jaskravaj u pieršy pieryjad daśledavańnia, jaki pravodziŭsia ŭ 2005—2007 hadach. U dva nastupnyja pieryjady (2008—2011, 2012—2018) jana pastupova źmianšałasia.
Hetaja tendencyja, zaŭvažajuć vučonyja, supadaje ź pierachodam z 2G na 3G, a zatym z 3G na 4G, što supravadžałasia źnižeńniem elektramahnitnaha vypramieńvańnia telefonaŭ.
Aŭtary adznačajuć, što praviedzienaje daśledavańnie abmiežavanaje danymi, jakija ludzi paviedamili sami. Kab likvidavać hetaje abmiežavańnie, u 2023 hodzie było raspačata daśledavańnie, meta jakoha zaklučajecca ŭ tym, kab niepasredna i dakładna vymierać uździejańnie elektramahnitnaha vypramieńvańnia, a taksama typ vykarystańnia — vykliki, veb-navihacyja, adpraŭka paviedamleńniaŭ — i acanić ich upłyŭ na repradukcyjnaje zdaroŭje mužčyn i patencyjał fiertylnaści.
Danyja buduć źbiracca z dapamohaj prahramy, jakuju kožny budučy ŭdzielnik zahruzić na svoj mabilny telefon. Ciapier vučonyja nabirajuć dobraachvotnikaŭ dla ŭdziełu. U vyniku miedycyna atrymaje dakładnyja danyja pra ŭpłyŭ mabilnika na mužčynskuju fiertylnaść.
Čytajcie jašče:
Čamu pienis maje formu hryba? Navukoŭcy znajšli pryčynu
Ci sapraŭdy paśla seksu treba pamačycca? Daktary nie peŭnyja
Navukoŭcy: źmianšeńnie vypracoŭki śpiermatazoidaŭ pahražaje čałaviectvu vymirańniem
Instytut fizijałohii AN: U pałovy biełaruskich i rasijskich mužčyn niajakasnaja śpierma
Toje ž samaje možna skazać pra ŭpłyŭ 2G, 3G, 4G u 2008-2018. Za hety čas mahli źmianicca mnohija inšyja faktary, jakija majuć dačenieńnie.
Znojdziennyja karelacyi heta tolki idei dla pošuka iściny, i pakul nie sama iścina. Navukoŭcy heta pavinny viedać, jak i aŭtary papnavukovych artykułaŭ.