U paviedamleńni rasijskaha SK havaryłasia, što cieły zabitych byli znojdzieny ŭ pryvatnym domie, jaki naležaŭ zahinułaj siamji, z ahniastrelnymi ranieńniami.
Telehram-kanał «Astra», spasyłajučysia na miascovych žycharoŭ, susiedziaŭ i svajakoŭ zabitych, śćviardžaje, što zabojstva ŭčyniŭ rasijski vajskoviec.
Pavodle viersii surazmoŭcaŭ kanała, zabojstva adbyłosia 27 kastryčnika ŭ pryvatnym žyłym domie na vulicy Danieckaj. Dom naležaŭ siamji — mužu i žoncy, u ich było dvoje dziaciej, dziaŭčynka-školnica i 4-hadovy chłopčyk. Usie jany, jak śćviardžajecca, byli zabityja, jak i jašče piać čałaviek, jakija znachodzilisia ŭ domie.
Abstaviny zabojstva zastajucca niezrazumiełymi. Niekatoryja surazmoŭcy «Astry», a taksama karystalniki miascovaha čata, śćviardžajuć, što niezadoŭha da zabojstva rasijski vajskoviec pasvaryŭsia z uładalnikam chaty.
Aficyjna rasijskija ŭłady hetych paviedamleńniaŭ nie kamientavali, u toj čas jak upaŭnavažany pa pravach čałavieka Viarchoŭnaj Rady Ukrainy Dźmitryj Łubiniec nazvaŭ proźvišča zahublenaj siamji — Kapkaniec. Siamja, pa papiarednich źviestkach, «śviatkavała dzień narodzinaŭ i admoviłasia addavać ułasnaje žytło čačenskim akupantam».
Čytajcie taksama:
Rasija abvinavaciła Ukrainu ŭ atacy dronami na schovišča radyjeaktyŭnych adkidaŭ
Na byłoha ŭkrainskaha deputata-zdradnika Carova ździejśnili zamach. Jahony stan — vielmi ciažki
Rasija naniesła ŭdar pa pažarnaj stancyi ŭ Charkaŭskaj vobłaści — vosiem paciarpiełych
