Ahne Biłatajcie. Fota: instahram ministarki
Płanujecca arhanizavać rehijanalnyja vučeńni, padčas jakich buduć pravieranyja ŭzhodnienyja ałharytmy pry zakryćci miežaŭ ź Biełaruśsiu, paviedamiła litoŭski ministr unutranych spraŭ Ahne Biłatajcie, piša LRT.
«Hetyja kryteryi ŭžo raspracavanyja, my paćvierdzili, što navat płanujem pravieści peŭnyja vučeńni našych ustanoŭ», — skazała ministarka ŭ piatnicu paśla sustrečy ŭ Vilni z pradstaŭnikami MUS Łatvii, Estonii, Ukrainy, Finlandyi, Polščy i Narviehii.
«Siońnia abmiarkoŭvaŭsia bolš ahulny kantekst mahčymych situacyj, i siońnia my sapraŭdy paćvierdzili, što toj farmat, jaki byŭ u Varšavie, i našy sumiesnyja dziejańni — heta vielmi surjozny sihnał, pierš za ŭsio dla Biełarusi, i jany heta sapraŭdy adčuli, što my nasamreč vielmi surjozna hatovyja dziejničać razam, skaardynavana», — skazała Biłatajcie.
Pavodle jaje słoŭ, budzie pravierana, «jak hety ałharytm moža pracavać padčas takich rehijanalnych vučeńniaŭ».
«Hetyja rečy praduhledžanyja, i my płanujem heta zrabić», — skazała jana.
U kancy žniŭnia ministry ŭnutranych spraŭ Litvy, Łatvii i Polščy damovilisia, što miežy ź Biełaruśsiu mohuć być začynienyja ŭ vypadku ŭzbrojenaha incydentu, pry praryvie nielehalnych mihrantaŭ.
Taksama było ŭzhodniena, što pry najaŭnaści adnaho z hetych kryteryjaŭ budzie ažyćciaŭlacca apieratyŭny abmien infarmacyjaj, pierš za ŭsio na ŭzroŭni słužbaŭ, zatym rašeńnie budzie pryniata na mižuradavym uzroŭni.
Baki taksama damovilisia ŭvieści takija kryteryi reahavańnia na mahčymyja pahrozy na miažy.
«My imkniomsia mieć takija kryteryi, jakija byli b anałahičnyja, i my ŭzhodnim i budziem ich uzhadniać, ale ŭ siońniašnim paradku dnia nie było śpiecyjalnaha pytańnia dla padrabiaznaha abmierkavańnia samich kryteryjaŭ. My majem namier zrabić heta na techničnym uzroŭni», — skazała ministr u piatnicu.
Litva ŭžo zakryła dva z šaści punktaŭ propusku na miažy ź Biełaruśsiu.
Čytajcie taksama:
Łukašenka pra nielehalnych mihrantaŭ: My nikoha tut łavić nie budziem
