Brambi. Fota: Wikimedia Commons
Pa słovach uładaŭ, rašeńnie było pryniata paśla kansultacyj z hramadskaściu. Koniej buduć adstrelvać z pavietra. Za try hady ich pavinna zastacca nie bolš za try tysiačy — pry ciapierašnich 18,8 tysiačy, paviedamlaje Ruskaja słužba «Radyjo Svaboda».
Brambi «mohuć stać vyrašalnym faktaram», jaki pryviadzie da źniknieńnia šaści vidaŭ žyvioł i dvuch vidaŭ raślin, ličać ułady. Na ich dumku, najlepšy sposab zachavać vidy, što źnikajuć, — heta zabić koniej. Rašeńnie ŭładaŭ padtrymali i miascovyja ekałahičnyja hrupy, nazvaŭšy jaho «pieramohaj dla dzikaj pryrody i hornych ručajoŭ».
U svaju čarhu, Aŭstralijski aljans u abaronu brambi, pryznajučy nieabchodnaść kantrolu nad kolkaściu koniej, šmat hadoŭ vystupaje za ich pierasialeńnie, a nie vyniščeńnie.
Aljans adznačaje, što ŭsie prajekty, jakija abaraniajuć brambi, navučajuć ich uzajemadziejničać z čałaviekam i znachodziać im novy dom, choć dziaržaŭnaha finansavańnia nie atrymlivajuć.
Nacyjanalny park Kaściuški — najbujniejšy park u štacie Novy Paŭdniovy Uels, jaho płošča 6900 kvadratnych kiłamietraŭ. Park jość častkaj aŭstralijskich Alpaŭ i atrymaŭ nazvu pa adnajmiennaj hary, nazvanaj u honar našaha nacyjanalnaha hieroja Tadevuša Kaściuški (vyšynia 2228 mietraŭ), jakaja źjaŭlajecca najvyšejšym punktam Aŭstralii i jakaja raźmieščana na terytoryi parku.
Čytajcie taksama:
ZŠA zastajucca biez pandaŭ. Kitaj zabiraje ŭsich nazad
U Fiładelfii mužčyna sprabavaŭ trapić na biejsbolny matč razam sa svaim alihataram
U Aŭstralii prapanavali adstrelvać kienhuru, kab jany nie pamirali ad hoładu
